भवानी अधिकारी
स्याङ्जा, २८ कात्तिक ।
सिँह दरवारको अधिकार जनताको घरमा पुर्याउने लक्ष संगै पूतलिबजार नगरपालिकाले अहिले नागरिकको घर घरमा पुगेर जेष्ठ नागरिकको स्वास्थ्य उपचार, अपाङ ्ग परिचयपत्र वितरण र गर्भवती महिलालाई क्याल्सीयम चक्की वितरण गर्ने योजना अगाडी सारेको छ ।
बुधवार नगरपालिकामा आयोजित कार्यक्रममा नगरप्रमुख सीमा क्षेत्रीले नागरिकको सेवा र सामाजिक दायित्व पुरा गर्न नागरिकको घर दैलोवाट यी सेवा प्रदान गर्न लागेको जानकारी दिइन् । नगर प्रमुख क्षेत्रीले भौतिक पूर्वाधार मात्र विकास नभई स्वास्थ्य र शिक्षाका क्षेत्रमा सहयोग पु¥याउनु झनै ठूलो विकास भएको उल्लेख गरिन् ।
‘बच्चा आमा बाबाको मात्र सम्पती होइन, राष्ट्र र अन्र्तराष्ट्रिय जगतसम्म उसको प्रभाव र योगदान जोडिन्छ । त्यसैले स्वस्थ्य वच्चा जन्माउन सहयोग पुर्याउन क्याल्सीयम चक्की वितरणको कार्य सुरु गरेका हौं ’ उनको भनाई थियो ।
मंसीर महिनादेखि गर्भवती महिलालाई निशुल्क क्याल्सीयम बितरण गर्ने जानकारी दिइन् । गर्भवती महिलालाई क्याल्सीयम चक्की अत्यावश्यक पर्ने र महिलाले मात्र उपयोग गर्न सक्ने हुदा बितरण गर्न लागेको हो । गर्भ रहेको चौथो महिनादेखि शिशुजन्मेको ४५ दिनसम्म पुग्नेगरी क्याल्सीयम चक्की बितरण गरिने भएको हो ।
यसैगरी, पुस महिनादेखि घर घरमा, टोल टोलमा पुगेर जेष्ठ नागरिक सेवा प्रदान गर्ने प्रमुख क्षेत्रीले बताइन् । साथै, अपांग परिचयपत्र पनि नगरपालिकाले दिने ब्यवस्था मिलाएको छ । बिभिन्न १० प्रकारका अपांगता मध्ये नगरपालिकाले रातो, निलो, पहेंलो र सेतो रंगको अपांगता परिचयपत्र दिने भएको छ ।
कार्यक्रममा प्रमुख प्रशासकिय अधिकृत रुद्रबहादुर मल्लले अपांगता परिचयपत्र सम्बन्धी, पुतलीबजार नगर स्वास्थ्य शाखा प्रमुख बिष्णु काफलेले गर्भवतीलाई निशुल्क क्याल्सीयम चक्की वितरण कार्यक्रम २०७६ सम्बन्धी, डा. सुनिल ढुंगानाले क्याल्सीयमका फाइदा र आवश्यकताका बारेमा र पब्लिक हेल्थ नर्स सुषमा सेनले गर्भवती जाँच सम्बन्धी छुट्टाछुट्टै कार्यपत्र प्रस्तुत गरेका थिए ।
सामाजिक विकास कार्यक्रम संयोजक एवं वडा अध्यक्ष शेषराज ढकालको अध्यक्षतामा सम्पन्न कार्यक्रममा शिक्षा शाखा प्रमुख दयाराम गौतमले स्वागत एवं स्वास्थ्य शाखा प्रमुख बिष्णु काफलेले गरेका थिए ।
