३ वैशाख,स्याङ्जा – अहिले देशभर स्थानिय तहको रौनक बढेको छ भने विभिन्न पालिकाहरुमा पनि स्थानिय तहको निर्वाचनका लागि उम्मेदवार छान्ने प्रक्रिया चलिरहेको छ ।
त्यस्तै यता स्याङ्जाको भिरकोट नगरपालिकामा पनि स्थानीय चुनावको तयारी तिब्र रुपमा चलेको छ । अघिल्लो वर्ष नेपाली काङ्ग्रेसले जित हासिल गरेको भिरकोटमा यसपटक पनि काङ्ग्रेसबाट आकाङ्क्षा देखाएका नेता तथा कार्यकर्ताको वृद्धि भएको पाइएको छ ।
भिरकोट नगरपालिकाको कुल ९ वटा वडाबाट नेपाली काङ्ग्रेसको तर्फबाट विभिन्न पदमा २२१ जनाले इच्छा जाहेर गरेका छन् ।
नेपाली काँग्रेस भिरकोट नगर कार्यसमितिले आज बसेको वैठक बाट आगामी स्थानीय तहको निर्वाचनमा सर्वसम्मत उमेदवार चयन गर्ने प्रतिबद्धता जनाएको छ ।
नेपाली काङ्ग्रेसका पार्टी सभापति याम प्रसाद अधिकारी (लक्ष्मण ) ले सबै उमेदवारहरुले आफूले इच्छा जाहेर गरेको भयर पनि पार्टीले गरेको निर्णय शिरोपर गरी रुख चिन्नमा मतदान गराउने अभियानमा आफू लागेको बताउछन् ।
अधिकारी भन्छ्न आकाङ्क्षा देखाएका उम्मेदवार धेरै भएकाले स्थानीय स्थरमा बलियो देखिएको र जित्ने उम्मेदवार मात्र आफुले सिफारिस गर्ने अधिकारी बताउछन् ।
टिकट जसले पाए पनि सबै नेता तथा कार्यकर्ता आफुनै उम्मेदवार हो भन्ने ठानेर पार्टिलाइ जिताउन लाग्नुपर्ने भन्दै निर्देशन दिएका छ्न ।
