वालिङ : वालिङका उद्यमीहरुलाई कृषि औजार बितरण गरिएको छ ।
वालिङ नगरपालिका र संयुक्त राष्ट्रसंघीय बिकास कार्यक्रम (युएनडिपी) को आर्थिक सहयोग तथा दियालो संस्थाको व्यवस्थापनमा वालिङमा सञ्चालित “कोभिड १९ उद्धार र सामाजिक आर्थिक प्रतिकार्य परियोजना” अन्तर्गत कृषक,उद्यमी तथा समूहहरुलाई बिभिन्न सामाग्रीहरु बितरण गरिएको हो । कृषि औजारहरु हस्तान्तरण गर्दै नगर उपप्रमुख कल्पना तिवारीले उत्पादन बढाउन र लागत कम गर्न कृषि औजारहरु सहयोगी हुने बताइन ।
उनले भनिन, अत्याधुनिक प्रविधिको प्रयोगले कृषकको परिश्रममा कमी ल्याउने मात्रै होईन उत्पादकत्व समेत बढ्छ ।
कार्यक्रममा बोल्दै वालिङ नगरपालिकाका प्रमुख प्रशासकीय अधिकृत राजन भट्टराईले कोभिडको प्रभावबाट बच्दै कृषि कर्ममा निरन्तर लाग्न कृषकहरुलाई सुझाव दिए ।
कार्यक्रममा बोल्दै दियालो संस्थाका अध्यक्ष कविता तिवारीले कोभिड प्रभावित कृषक तथा उद्यमीहरुलाई लक्षित गरि बिभिन्न सामाग्रीहरु प्रदान गरिएको बताइन ।
कार्यक्रममा मिल्क एनालाईजर, मिनि थ्रेसर,अटोमेटिक मकै छोडाउने मेसिन,अत्याधुनिक चापकटर,ठेलागाडा, वाईपर गम्वुट सेट,वेडर लगायतका सामाग्री कृषि औजार तथा सामाग्री बितरण गरिएको कार्यक्रम प्रमुख राधाकृष्ण डुम्रेले जानकारी दिए ।
