हिमदुत,स्याङ्जा- भीरकोट जेसिज द्वारा आयोजित शुभ जन्म उत्साब कार्यक्रममा भीरकोट नगरपालिका वडा नम्बर ५ का वडा अध्यक्ष एवं भीरकाेट जेसीज स्थापनाकर्ता जेसि यम प्रसाद अधिकारी (लक्ष्मण) ले सवारी दुर्घटनामा परी उपचाररत रहेका युवालाई एक कार्यक्रमका बिच आर्थक सहयोग गरेका छ्न ।
अधिकारीले भीरकाेट जेसीजले सुरू गरेकाे आर्थिक संकलन अभियान अन्तरगत रु ११,५००/- (अक्षरूपि एघार हजार पाच सय रूपया ) भीरकाेट जेसीजकाे अध्यक्ष जेसी प्रशुन सिन्जाली मगरलाई हस्तान्तरण गरेका हुन ।
कार्यक्रममा बोल्दै अधिकारीले जन्मदिनमा पार्टी,भोज अन्य क्षेत्रमा फजुल खर्च नगरेर सामाजिक क्षेत्रमा खर्च गर्दा उत्तम हुने बताए । उनले भने ” धर्म गर्न कुनै मठ मन्दिरमा जानू पर्दैन कुनै सामाजिक क्षेत्रमा काम गरे त्यसैलाई नै मैले धर्म ठान्दछु ”
भिरकोट जेसिजले दुर्घटनामा परी उपचाररत भैरहेका सबिन श्रेष्ठको थप उपचारका लागी आर्थिक संकलन अभियान चलाइरहेको भिरकोट जेसिज वर्ष २०२१ का अध्यक्ष जेसि प्रशुन सिन्जाली मगरले बताए । मगरले घाइते भएर बसेका सबिन श्रेष्ठलाई थप उपचार गर्न जोकोहीलाइ पनि सहयोग गर्ने मनसाय भए भिरकोट जेसिजलाइ सम्पर्क गर्न आग्रह गरे ।
कार्यक्रममा भिरकोट जेसिजका संस्थापक अध्यक्ष गुरु प्रसद गुरुङ (उमेश),भिरकोट जेसिजका अध्यक्ष सल्लाहकार एवं तरुण दल भिरकोटका अध्यक्ष राजकुमार गुरुङ,निवर्तमान अध्यक्ष मिना खाण , बालमैत्री नगर सहजकर्ता खुम प्रसाद खनाल,युवा नेता तारा अर्याल लगाएतले जन्मदिनमा आफ्नो फजुल खर्च कटाएर सामाजिक क्षेत्रमा योगदान गरेको कार्य अतुलनीय रहेको बताए ।
यम प्रसाद अधिकारी (लक्ष्मण) ले यश अघि पनि आफ्नो जन्म दिनमा सामाजिक कार्यमा योगदान पुर्याएको र सधै समाजको कल्याणको निम्ति लागिरहने बताए ।
भिरकोट जेसिज वर्ष २०२१ का अध्यक्ष जेसि प्रशुन सिन्जाली मगरको सभापतित्वमा भएको कार्यक्रमको स्वागत कार्यकारिणी उपाध्यक्ष सुन्दर कोइरला संचालन उपाध्यक्ष जेसि सिर्जना गौतम काफ्ले गरेका थिए ।
