वालिङ क्याम्पसमा महँगो शुल्क लिइएको भन्दै नेबिसंघ र अखिलले बुझाए चेतवानी सहितको ज्ञापनपत्र ।

२८ पुष,वालिङ । वालिङ बहुमुखी क्याम्पसले बिद्यार्थीहरुसँग महङ्गो शुल्क लिएको भन्दै नेपाल बिद्यार्थी संघ र अनेरास्ववियूले बिरोध जनाएका छन् ।
संयुक्त बिद्यार्थी संगठनका तर्फबाट क्याम्पस प्रमुख सचिदानन्द यादवलाई आज चेतावनी सहितको ज्ञापनपत्र बुझाइएको हो ।
नेविसंघका सन्दिप कडेंल र अनेरास्ववियुका दिनेश खनालको संयुक्त रुपमा हस्ताक्षर गरी बुझाईएको ज्ञापनपत्रमा कोभिडको मारमा परेका बिद्यार्थीहरुलाई प्राईभेट क्याम्पसले जसरी ढाँड सेक्ने काम गरेको आरोप लगाईएको छ ।

ज्ञापनपत्रमा भनिएको छ, “देशमा भएको सामाजिक राजनीतिक आन्दोलन सम्पर्ण विधार्थीहरुको हक र हितलाई आत्मसात गर्दै निरन्तर आम विधार्थीहरुको पक्षमा संयुक्त विधार्थी संगठनले काम गर्दै आएको सर्वविदित नै छ । विगत देखि वर्तमान सम्म विधार्थीहरुको शैक्षिक विषयहरुमा हामी संवेदनशील भएर भुमिका निर्वाह गरिरहेका छौ । मुलकै पहिलो पब्लिक क्याम्पस वालिङ बहुमुखी क्याम्पसमा विगत केहि समय देखि शिक्षकहरु ले विधार्थीहरुको हक र हित बिपरित कार्य गरदै आफ्नो अनकुलको निर्णय गर्दै अएकोमा हामी संयुक्त विधार्थी संगठनकों गम्भिर ध्यानाकर्षण भएको छ ।”
ज्ञापनपत्रमा कोभिड १९ को कारणले बिश्वअर्थतन्त्र नै संकटमा परेको बेला विधार्थीलाई मर्कामा पारने गरी प्राइभेट क्याम्पस ले जस्तै शुल्क लिने निर्णय भएकोमा संयुक्त विधार्थी संगठनको गम्भिर ध्यानाकर्षण भएको छ, भनिएको छ ।

अघिल्लो वर्ष क्याम्पसले ६५ प्रतिशतले शुल्क बढाएको र त्यस बेला क्याम्पसको परिश्थितीले गर्दा ठिकै होला भनेर स्विकार्दै आइरहेको तर अहिले कोविड१९ का कारण प्राइभेट क्याम्पस ले जस्तै शुल्क लिने निर्णय भएपछी सबै विधार्थी प्रतिनिधिले क्याम्पस प्रमुख सल्लाह गरेको तर क्याम्पसले कुनै पनि चासो नदेखाएकोले ज्ञापनपत्र बुझाएको अनेरास्ववियु वालिङ क्याम्पसका संयोजक दिनेश खनालको भनाइ छ ।

नेता खनालले भने :

तत्कालै क्याम्पसले वैठक बसि शुल्क नघटाए बिद्यार्थी संगठन चरणबद्ध आन्दोलनमा जानेछ

कोविड १९ ले अहिले सबैलाइ मर्का परेको र`शुल्कको विषयमा पटक पटक बैठक र सल्लाह गर्दा निष्कर्ष निकाल्नुको साटो आफ्नो मनोमानी गदै अगाडि बढेको नेविसंघका नेता सन्दिप कडेलको भनाइ छ ।