काठमाडौं – सरकारले कोरोना भाइरस संक्रमितहरुको उपचारलाई प्रभावकारी बनाउन फोन, इमेल र एसएमएसबाट चिकित्सकहरुसँग परामर्श लिन सकिने गरी ‘टेली मेडिसिन’ सेवा शुरु गरेको जनाएको छ ।
सोमबार बसेको सचिवस्तरको बैठकले यस्तो निर्णय गरेको हो । कोभिड–१९ उपचार व्यवस्थापन गर्न प्रदेश भित्रका अस्पतालहरुका चिकित्सकहरुसँग फोन, इमेल तथा एसएमएस सम्पर्क गरेर परामर्श लिन सकिने व्यवस्था थालिएको स्वास्थ्य तथा जनसंख्या मन्त्रालयले विज्ञप्तिमार्फत जनाएको छ ।
