वालिङ, २ वैशाख ।
वालिङ नगरपालिकाले कोरोना संक्रमण नियन्त्रण र व्यवस्थापनका लागि स्थापना गरेको वालिङ कोभिड १९ राहत कोषमा सोमबार साँझसम्म २८ लाख ३५ हजार ९ सय ७४ संकलन भएको छ ।
वालिङ नगरभित्रका १४ वटै वडामा कोभिड १९ को संक्रमणबाट गुज्रिरहेको अवस्थामा नपाको प्रभावित नागरिकहरु सिमान्तकृत, गरीब, दैनिक ज्यालादारी, गुजारा ब्यवसाय र सडक जीवन बिताईरहेकाहरुलाई खाद्यान्न तथा राहत उपलब्ध गराउने उद्देश्यले स्थापना गरिएको कोषमा सोमबार साँझसम्म नगद तथा खाद्यान्न गरी रु. २८ लाख ३५ हजार ९ सय ७४ संकलन भएको वालिङ नगरपालिकाले जनाएको छ ।
वालिङ नगरपालिकाको कोभिड १९ राहत कोषको नेपाल बैंक लिमिटेड वालिङको खाता नं. ०८३००१०६८३३२६७०००००१ मा ईच्छुक संघ संस्था तथा ब्यक्तिगत र संस्थागत सहयोग रकम जम्मा गरी बैंक भौचरको प्रति नगरपालिका कार्यालयमा उपलब्ध गराउन हुन पनि नगरपालिकाले अनुरोध गरेको छ ।
वालिङ नगरपालिकाले स्थापना गरेको राहत कोषमा पछिल्लो पतंजलि आयुर्वेद केन्द्र नेपालबाट ५ लाख ४० हजार बराबरको खाद्यान्न तथा साबुन, थुमपोखरा महिला कृषि सहकारी संस्था वालिङ १३ बाट ११ हजार ५, खत्रीखोला टोल विकास संस्था वालिङ १ बाट १० हजार ५ सय २०, खाल्टेखोला बनपाले सामुदायिक बन उपभोक्ता समूह वालिङ ११ बाट १२ हजार २ सय, सिद्धबाबा आमा समूह वालिङ ९ भुम्रेबाट १० हजार, रुद्ध्रनारायण देबकुमारी श्रेष्ठ वालिङ ९ भुम्रेबाट १० हजार, विष्णु श्रेष्ठ वालिङ ९ भुम्रेबाट १० हजार, अर्जुन शर्मा वालिङ १२ हाल कतारबाट २० हजार, आत्मज्ञान प्रचार संघ वालिङबाट ५० हजार, दुर्गाबहादुर कुँवर, रेशम कुँवर, गुमबहादुर कुँवरबाट ३० हजार ५० गरी आईतबार र सोमबार कूल ७ लाख ३ हजार ७ सय ७५ संकलन भएको हो ।
नगरपालिकाको राहत कोषमा हालसम्म नगद २१ लाख, ४७ हजार ९ सय ७४ र खाद्यान्न ६ लाख ८८ हजार गरी कूल रु. २८ लाख ३५ हजार ९ सय ७४ संकलन भएको वालिङ नगरपालिकाले जनाएको छ ।
