भिरकोट नगरपालिकाको सार्वजानिक सुनुवाई कार्यक्रम
भिरकोट, २ कात्तिक ।
स्थानीय तहमा जनप्रतिनिधि चुनिएको दुई वर्ष वितिसक्दा पनि अपेक्षितरुपमा विकास हुन नसकेको शुक्रवार भिरकोट नगरपालिकाले आयोजना गरेको सार्वजानिक सुनुवाई कार्यक्रममा स्थानीयले गुनासो पोखे ।
नगरपालिकाले आर्थिक वर्ष २०७५/०७६ मा नगरपालिकाले प्रवाह गरेका सेवा सुविधा र प्रभावकारीताका विषयमा तमु समाज हलमा आयोजना गरिएको तेस्रो चौमासिक सार्वजानिक सुनुवाई कार्यक्रममा सहभागीहरुले नगरपालिकाको विकास निर्माण, बजार व्यवस्थापन, शान्ति सुरक्षा र भावी कार्ययोजनाका विषयहरुमा सम्वन्धित रहेर जनप्रतिनिधि संग प्रश्न राखेका थिए ।
भीरकोट उद्योग वाणिज्य संघका अध्यक्ष भक्तबहादुर केसीले राजमार्गमा पार्किङ अस्तव्यस्त रहेको गुनासो गरे । नगरपालिकाले बसपार्क निर्माण गरेपनि सन्चालनमा ल्याउन नसकेको वताउदै उनले भने, ‘नगरपालिकाको मुख्य बजारमा तेह्रो पार्किक गरिन्छ, यसको व्यवस्थापनमा नगरपालिकाको ध्यान खै ।’
केसीले भिरकोटका व्यवसायी अघोषित लोडसेडिङको मारमा परेको वताउदै समस्या समाधानमा नगरपालिकाले पहल गर्न माग गरे । जनप्रतिनिध कार्यालय समयमा अनुपस्थित हुने गरेको गुनासो आइरहेको बताउदै केसीले भने,‘नगरपालिकामा प्रमुख उप प्रमुख दुबै उपस्थित नहुँदा जनता मर्कामा परे ।’
भिरकोट नगरपालिका वाड नं ३ का सन्तोष केसीले नागरिकले अपेक्षा गरेअनुरुपको विकास नभएको गुनासो गरे । नगरपालिकाले प्रदान गर्ने सेवा सुविधामा र अनुदान वितरणमा न्यायोचित वितरण नभएको भन्दै उनले भने, ‘२० ओटा बाख्रा पाल्ने किसानले सरकारको अनुदान पाउँछ दुरदराजका सय बाख्रा पाल्ने किसानलाई बञ्चित गरिन्छ ।’ नगरपालिकाले अनुदान वितरण गर्दा वास्तविक किसानको पहिचान गरी कार्यक्रम ल्याउनुपर्ने भन्दै केसीले प्रश्न गरे, ‘किसानले डोको भरी ल्याएको कृषि उपज बेच्ने ठाउँ खोई ?’
यस्तै कार्यक्रममा हुमबहादुर गुरुङले समाजमा वढदै गइरहेको विकृती र विसंगती नियन्त्रणमा नगरपालिकाले ध्यान नदिएको गुनासो गरे । हाम्रो मौलिकता हरायो भन्दै गुरुङले भने,‘सास्कृतिक पर्व जस्तै तिहारमा खेलिने देउसी भैलोको मौलिकता आधुनिकतामा गयो यसको नियन्त्रण कसले गर्ने भन्दै नगरपालिका तर्फ प्रश्न गरे ।’
सहभागीहरुले नगरभित्र भौतिक पूर्वाधार, शिक्षा, स्वास्थ्य, कृषि, खानेपानी, बिजुली, सडक निर्माण, नाला व्यवस्थापन, ढल निकास, प्राकृतिक स्रोत व्यवस्थापन, विकृति, विसंगती लगायतका क्षेत्रमा समस्या भोग्नुपरेको र अपेक्षाकृत विकास हुन नसकेको गुनासो पोखेका थिए । उनीहरुले नगरको विकास नागरिकलाई महसुस दिलाउने गरी गरिनुपर्नेमा जोड दिएका थिए ।
सार्वजानिक सुनुवाई कार्यक्रममा उठेका प्रश्नको उत्तर दिंर्दै नगरप्रमुख छायाराम खनालले कृषिमा प्रयाप्त जनशक्ति नहुँदा उचित काम गर्न नसकेको स्वीकार गर्दै कृषिलाई नै प्राथामिकतामा राखेर बजेट विनियोजन गरिने बताए । दिर्घकालिन योजनाका साथ नगरपालिका अगाडि बढेको बताउदै उनले भने, ‘अव हामी विज्ञ राखेर ३, १० र १५ वर्षे रणनीतिक योजनाहरु अनुरुप कामहरु गर्छौं ।’
भीरकोट नगरपालिकाले दुई वर्षमा गरेका उल्लेखनीय कार्य मध्ये नगरपालिकाको भवन निर्माण पनि हो भन्दै नगर प्रमुख खनालले नगरपालिकाको भवन निर्माणको चरणमा रहेकाले वडामा जाने बजेट कम भएको जानकारी दिए । नगरपालिकाले प्रदान गर्ने सेवा सुविधामा आफू स्वतन्त्र रहेर प्रदान गरेको दावी गर्दै नगर प्रमुख खनालले भने, ‘हामीले जे गरेका छौं त्यो नागरीकलाई महशुस हुनेगरी गरेका छौं ।’ आगामी चैत्र भित्र बालमैत्रि नगर घोषणाका लागी नगरपालिका प्रक्रियामा रहेको भन्दै समग्र भीरकोटको विकास र समृद्धिमा राजनितिक दल तथा स्थानीयको पुर्ण सहयोग आवश्यक रहेको बताए ।
कार्यक्रममा उपप्रमखु सिमा केसीकर्माचार्य, प्रमुख प्रशासकिय अधिकृत धर्मराज ढुङ्गाना, शिक्षा साखा प्रमुख हेमराज आचार्य, वडा नं. १ का अध्यक्ष दिपेन्द्र केसी, २ का कमल त्रिपाठी, ६ का लक्ष्मण खत्रिले सहभागिको जिज्ञासालाई समाधान गरेका थिए । कार्यक्रममा प्रमुख प्रशासकिय अधिकृत ढुङ्गानाले वजेट तथा कार्यक्रमको वार्षिक समिक्षा प्रस्तुत गरेका थिए ।
कार्यक्रममा नेकपा नगर अध्यक्ष मिनप्रसाद कोईराला, कागे्रसका नगर सभापती तोयनाथ अर्यालले समेत आफ्नो धारणा राखेका थिए । कार्यक्रमा गोविन्द कुमार कर्माचार्य, क्षेत्रबहादुर थापा, अशोक खत्रि, मिन कुमारी अधिकारी लगायतले जिज्ञासा राखेका थिए । नगर प्रवक्ता दिपेन्द्र केसीको स्वागसंगै शुरु भएको कार्यक्रम बास गण्डकी प्रदेश संयोजक जिल्ला अध्यक्ष एसिवशरण महतले सहजीकरण गरेका थिए । कार्यक्रम असल शासन बागेश्वरी क्लब स्याङ्जा शाखाले सहजीकरण गरेको थियो ।
