वालिङ, १८ भदौ ।
नेपाली काँग्रेस स्याङ्जाले राज्यको पुर्नसंरचना अनुसार स्याङ्जा क्षेत्र नं। २ को संघीय र प्रादेशिक समितिको समायोजन गरेको छ । नेपाली काँग्रेसको केन्द्रीय कार्यसमितीको निर्देशनमा नयाँ संरचना अनुुसारको जिम्मेवारी प्रदान गरेको हो ।
आज वालिङमा आयोजित कार्यक्रममा साविक क्षेत्र नं। २ र ३ लाई समायोजन गरी संघीय क्षेत्र २ र त्यस अन्तर्गतका क र ख मा प्रादेशिक समितिको पुर्नसंरचना गरेको हो । नेपाली काँग्रेस केन्द्रीय विधान तथा निर्देशिका अनुसार संघीय क्षेत्र नं। २ को सभापतिमा साविक क्षेत्र नं ३ का सभापति देबबहादुर खाँण ईश्वर ले जिम्मेवारी पाएका छन् ।
त्यस्तैगरी साविक क्षेत्र नं। २ का सभापति अर्जुनप्रकाश अर्याल सहसभापति को जिम्मेवारीमा रहने भएका छन्। उपसभापतिमा हरिबाबु पोख्रेल, सचिवमा महेश भट्टराई, दामोदर लम्साल, शालिकराम देवकोटा, नरबहादुर पौडेल, कोषाध्यक्षमा चेतनारायण श्रेष्ठ, टिकाराम तिवारी, सहसचिवमा बोला पाठक, सरस्वती बगाले लगायत अन्य सदस्यहरु रहेका छन् ।
समायोजनसँगै आज पहिलो बैठक सभापति देबबहादुर खाँणको सभापतित्वमा सम्पन्न भएको छ । यसैबीच भेलाले नेपाली काँग्रेस केन्द्रीय कार्य समितिले संघीय नेपालको पुर्नसंरचना अनुसार पार्टी संगठनको पुर्नसंरचना जारी गरेको अन्तरिम ब्यवस्था निर्देशिका बमोजिम स्याङ्जा क्षेत्र नं। २ क र ख प्रदेशको पनि समायोजन गरेको छ ।
प्रदेश क मा अर्जुनप्रकाश अर्यालको सभापतित्वमा कार्यसमिति चयन गरेको छ । जसको सचिवमा नरबहादुर पौडेल र दामोदर लम्साल, कोषाध्यक्षमा चेतनारायण श्रेष्ठ, सहसचिवमा सरस्वती बगाले र बोला पाठक छन भने अन्य सदस्यहरु छन् । त्यस्तैगरी प्रदेश ख मा सभापतिमा हरिबाबु पोख्रेलले जिम्मेवारी पाएका छन, भने सचिवमा महेश भट्टराई र शालिकराम देवकोटा चयन भएका छन । त्यस्तैगरी कोषाध्यक्षमा टिकाराम तिवारी र अन्य सदस्यहरु रहेका छन् ।
क्षेत्र नं १ को २० गते जिम्मेवारी प्रदान गरिने कार्यक्रम रहेको छ ।
