हिमदुत- २६, साउन ।
स्थानिय सरकार कुनै जादुको छडी नभएको आँधीखोला गाँउपालिकाका अध्यक्ष सुधिरकुमार पौडेलले वताएका छन । जनताले विकासका कुनै पनि कामको बिरोध भन्दा काम कति भयो कसरी भयो, स्रोत कसरी आयो भनेर विश्लेषण सहितको मुल्याङ्कन गर्न जरुरी रहेको वताएका छन् ।
आँधिखोला गाउँपालिकाले आयोजना गरेको आ.ब ०७५/७६ अन्तर्गतको तेस्रो चौमासिक सार्बजनिक सुनुवाईमा बोल्दै पौडेलले स्थानीय तहमा प्राप्त साधन र स्रोतको भरपूर सदुपयोग गरी विकास निर्माणमा जुटेको वताएका छन् । आँधिखोला गाँउपालिकाले धेरै उत्कृष्ठ र उदहारणीय काम गरेको दावी समेत गरेका थिए । श्रवण कुमार जेष्ठ नागरिक स्वास्थ्य गाउँघर क्लिनिक ,स्थानिय उत्पादनलाइै प्रोत्साहित गर्न प्रादेशिक राजधानी पोखरामा कृषी उपज संकलन केन्द«को स्थापना, सबै स्वास्थ्य संस्थामा तथा बिद्यालयमा सोलार बत्ती जडान पालिकाको नमुना कार्य भएको पौडेलले वताए ।
बिकाश निर्माण तर्फ पर्बत र स्याङजा दुई जिल्ला जोड्ने सडक नागडाँडा —कार्कीनेटा खण्ड , निर्माण अबधी भन्दा पहिले नै पुलको सम्पन्न , अन्धा—अन्धी श्रेत्रमा पुराना पोखरीको पुन उत्खनन् तथा संरक्षण जस्ता कार्य नमुना रहेको उनको भनाइ थियो । पौडेलले, ‘बिकास अहिले भर्खर परिणाममा होईन, नतिजा सुधार उन्मुख छ कि छैन जनताले बिश्लेषण गर्न आबाश्यक छ ।’
न्यायीक समितीमा पनि आब ०७५ र ०७६ मा २३ मध्ये २० मुद्धा मेलमिलाप बाट समाधान गरिएको उपाध्यक्ष शर्मिला पौडेलले जानकारी दिइन् ।
प्रमुख प्रशासकिय अधिकृत उज्जवल भुषालले आँधिखोला गाउँपालिकाले सुचनाको हक प्रदान गर्दै जनता र स्थानिय सरकारबिचको दोहोरो संबाद हुने सार्बजनिक सुनुवाईले शुसाशन र पारदर्शीता झल्काएको बताए ।
कार्यक्रममा ने.क.पा को तर्फबाट शोभाखर ढकाल , नेपाली काँग्रेसको तर्फबाट प्रदीप पौडेल , समाजबादी पार्टीको तर्फबाट ख्यामनारायण ढकाल, गैर सहकारी संघ स्याङजाका अध्यक्ष कमल पौडेल लगायतले गाउँपालिकाले सबैलाई समेटेर लानुपर्ने सुझाब दिएका थिए ।
संचारकर्मी सुशिल सुबेदीले संचालन गरेको कार्यक्रममा गाउँपालिका अध्यक्ष सुधिर कुमार पौडेलको अध्यक्षतामा सम्पन्न भएको थियो भने स्वागत उपाध्यक्ष शर्मिला पौडेलले गरेकी थिइन् ।
प्रथम चौमासिक वडा नं १ पंचमुल, दोस्रो चौमासिक वडा नं ४ वाङसिङ र तेस्रो चौमासिक सार्बजनिक सुनुवाई वडा नं ५ कृषीमा सम्पन्न गरिएको हो । गोल्डेन ब्रोडकास्टिङ मिडीयाले संयोजन गरेको उक्त गाँउपालिकाका ३ सय बढि नागरिकको सहभागीता रहेको थियो ।
