गोपाल जि टी
१७,साउन २०७६
यतिबेला देशैभर लोक दोहोरी गायक गायिकाहरुको छाता सँगठन राष्ट्रिय लोक तथा दोहोरी प्रतिष्ठान नेपालको जिल्ला अधिवेशनहरु भैरहेका छन् । देशैभरिमा ५६ जिल्लामा लोक तथा दोहोरीगीत प्रतिष्ठान गठन भई क्रियाशिल रहेकाछन् । प्रतिष्ठानको केन्द्रीय अधिवेशन आउदो मंसिरमा पोखरामा गरिने भएपछि यही साउन महिनासम्म सबै जिल्ला अधिवेशनहरु सम्पन्न गरिसक्नुपर्ने केन्द्रीय निर्देशन अनुसार यतिबेला देशैभर जिल्ला अधिवेशन चलिरहेका हुन् ।
यसैक्रममा प्रतिष्ठान स्याङ्जा शाखाको सातौं जिल्ला अधिवेशन यही साउन १८ गते शनिबार हुनु भएको छ । प्रतिष्ठानले सातौं अधिवेशन जिल्लाको मध्यभाग भीरकोट नगरपालिकाको बयँरघारीमा गर्ने भएको हो । गण्डकी प्रदेशका ९ वटा जिल्लामध्ये कास्की, लम्जुङ र गोरखामा यस अघि अधिवेशन सम्पन्न भैसकेका छन् । अब ५ वटा जिल्लाका अधिवेशन बाँकी रहने प्रतिष्ठान गण्डकीका अध्यक्ष शङकर बिरही गुरुङले वताएका छन ।
सातौं अधिवेशनकोे सम्पूर्ण तयारी पूरा भएको प्रतिष्ठान स्याङ्जाले जनाएको छ । प्रतिष्ठानको शुक्रबार बसेको बैठकले अधिवेशनको सम्पूर्ण तयारी पूरा भएको जनाएको हो ।
अधिवेशनमा पुरुषोत्तम न्यौपाने, रमेश विजी,शर्मिला गुरुङ, रामजी खाँड, खुमन अधिकारी, पशुपति शर्मा, शिव हमाल, राजु गुरुङ, घनश्याम रिजाल, शङकर विरही गुरुङ लगायत स्याङ्जेली राष्ट्रिय कलाकारहरुको उपस्थिति रहने छ भने जिल्ला प्रतिष्ठानसँग सम्बद्ध कलाकारहरुको विशेष साङ्गीतिक प्रस्तुति सहित अधिवेशन भव्यरुपमा गरिने जिल्ला प्रतिष्ठान स्याङ्जाले जनाएको छ । यसका साथै प्रतिष्ठानसँग सम्बद्ध आजीवन सदस्य, सल्लाहकारज्यूहरु, साधारण सदस्य तथा नेपाली लोकगीतका शुभचिन्तक सबैमा उपस्थितिको लागि समेत प्रतिष्ठान स्याङ्जाले आव्हान गरेको छ ।
