भीरकोट : भीरकोट नगरप्रमुख छायाँराम खनाललाई कोरोना पुष्टि भएको छ । प्रमुख खनालले आफू कोरोना संक्रमित भएको सञ्जालमार्फत जानकारी गराएका छन्।
उनले फेसबुकबाट जानकारी गराउँदै विगत केही दिनदेखि बेलाबेलामा खोकी लागेपछि पीसीआर टेष्ट गराउँदा रिपोर्ट पोजिटिभ आएको बताए। चिकित्सकको निगरानीमा प्रमुख खनाल आइतबारदेखि होम आइसोलेसनमा छन्।
पछिल्लो समय स्याङजामा कोरोना संक्रमितको संख्या बढदै गएको छ। अहिलेसम्म जिल्लामा ७ सय १५ जनामा कोरोना संक्रमण पुष्टि भएको छ भने ६ सय ३९ जना निको भएर घर फर्केका छन्। सक्रिय संक्रमित ६४ जना छन् भने १२ जनाको कोरोनाबाट मृत्यु भएको छ ।
