सुशील सुवेदी
स्याङजा , १९ कार्तिक
हिन्दुहरुको महान पर्ब दिपावलीमा खेली देउँसी भैलोको रकम पिक्निक तथा भ्रमणमा खर्च गर्ने लहर नै चलेको छ । तर स्याङजाका युवा समुहहरुले देउँसी भैलोको रकम समाज सेवामा खर्चेका छन् ।
रोट्रयाक क्लब अफ वालिङ र स्मार्ट ईभेन्ट ग्रुपको संयुक्त आयोजनामा आयोजित देउँसी भैलोमा संकलन भएको रकमले भुम्रे माध्यामीक बिद्यालयमा अध्यानरत फरक क्षमता भएका छात्र छात्रालाई सिरक डस्ना बितरण गरेका छन् ।
यहाँ अध्यानरत फरक क्षमता भएका १० जना बिद्यार्थीहरुलाई करिब ५० हजार बराबरको सिरक डस्ना र सिरानी बितरण गरिएको रोट्रयाक क्लब अफ वालिङका अध्यक्ष मिलन पौडेलले बताए ।
आबासीय खर्च बापत प्रती बिद्यार्थी ४ हजार राज्यले प्रदान गर्दै आएको छ भने बेला बेलामा बिभिन्न संघ संस्थाले खाद्ययान्न , लत्ता कपडा लगाएतको सहयोग गर्दै आएको भुम्रे माध्यामिक बिद्यालय सुस्त मनस्थिती कक्षाका स्रोत शिक्षक डोलराज बस्यालले बताए ।
फरक क्षमता हुनु बालबालीका गल्ती नभएको बताउँदै यस्ता बालबालीकालाई सम्मान र प्रोत्सहान गर्न आबाश्यक रहेको वालिङ उद्योग वाणिज्य संघका अध्यक्ष शोभकान्त पौडेलले बताए । सम्मान स्वरुप युवाहरुले परोपकारी क्षेत्रमा देउँसी भैलोको रकम खर्चेकोमा प्रशंसा व्यक्त गर्दै भने , ‘ यस्ता पर्बहरुमा रकम संकलन गर्ने र बनभोज तथा भ्रमणमा मदीरा सेबन गरेर खर्चिने लहर चलेको बेला यी युवाहरुले निकै प्रशंसनिय कार्य गरेका छन् । ’
रोट्रयाक क्लबले सार्बजनिक स्थलमा सरसफाई कार्यक्रम , सचेतनामुलक कार्यक्रम गर्दै आएको छ भने दशैैको तिहारको अबशरमा लोपान्मुख लठ्ठे पिङ समेत वालिङमा राखेको थियो । उक्त हस्तान्तरण कार्यक्रमको संचालन स्मार्ट ईभेन्ट ग्रुपका अध्यक्ष सगुन रानाले गरेका थिए ।
