लुम्बिनी । लुम्बिनी प्रदेश सभाको आगामी वर्षको नीति तथा कार्यक्रम विपक्षी गठबन्धनका सांसदहरुले विरोध गरेका छन् । मंगलबार दिउँसो साढे ४ बजे सुरु भएको बैठकमा विपक्षी दलका प्रमुख सचेतक मात्र उपस्थिति भए भने गठबन्धनमा आबद्ध ४ दलका अरु प्रदेशसभा सदस्यहरुले बैठक बहिस्कार गरेका छन् ।
प्रदेश प्रमुख धर्मनाथ यादवमार्फत आगामी वर्षको नीति तथा कार्यक्रम गरिने कार्यक्रम थियो ।
चार दलले संयुक्त वक्तव्य निकाल्दै भनेका थिए ‘प्रदेश प्रमुख जो कि संवैधानिक रुपमा प्रदेशको साझा अभिभावकको रुपमा भूमिका निर्वाह गर्नु पर्नेमा २०७८ बैशाख १९ गते उल्टो त्यसको धज्जी उडाउँदै, आफनो पदीय मर्यादा, मुल्य मान्यतालाई धरासायी पार्दै प्रदेश प्रमुखको कार्यालयमा उपस्थित प्रदेश सभाका
सदस्यहरु माथि लाठीचार्ज गर्दै मुख्यमन्त्रीको क्वाटरमा पुगी मध्यरातमा शपथ गराउने जस्तो लज्जास्पद कार्य
गर्नु भयो ।’
‘वर्तमान सरकारको नियुक्तिको बखत धारा १६८ (१) प्रयोग गरिएकोमा सम्मानित सर्वोच्च अदालतको २०७८ जेष्ठ ३ गतेको अन्तरिम आदेश पछि वर्तमान संसद ५३ सदस्यीय रहेको छ । वर्तमान सरकार संविधानको धारा १६५ (२) आकर्षित हुन गएको छ, जस अनुसार सरकारले धारा १६८ (४) बमोजिम सदनबाट अनिवार्य रुपमा तीस दिन भित्र विश्वासको मत लिनुपर्ने संवैधानिक व्यवस्था रहेकोमा हालसम्म पनि सरकारले सौ प्रकियामा प्रवेश नगरेकोले सरकारको वैधानिकतामा प्रश्न चिन्ह खडा भएको छ’ ट्ठंयुक्त वक्तव्यमा भनिएको छ ‘तसर्थ प्रदेश सरकारले उक्त प्रक्रिया पुरा नगरी नीति तथा कार्यक्रम र बजेट ल्याउनु संवैधानिक र राजनीतिक हिसावले अनुचित देखिन्छ ।’
