काठमाडौं । प्रधानमन्त्री समेत रहेका केपी शर्मा ओली बहुमतको दावी गर्दै शितलनिवास पुगेका छन् ।
प्रमुख विपक्षी दलका शिर्ष नेताहरु शेर बहादुर देउवा, पुष्पकमल दाहाल प्रचण्ड, माधव नेपाल, बाबुराम भट्टराई, उपेन्द्र यादव लगायतका नेताहरु १४९ सांसदहरुको हस्ताक्षर सहित बहुमत दावी गर्दै शितलनिवास पुगेका बेला ओली त्यसअघि नै जसपाका महन्थ ठाकुर र राजेन्द्र महतो पक्षधर सांसदहरुको हस्ताक्षर बोकेर गएको बताइएको छ ।
ओलीले १५३ जना सांसदको आफूलाई समर्थन रहेको भन्दै राष्ट्रपति विद्यादेवी भण्डारीसमक्ष प्रधानमन्त्रीका लागि दाबी पेश गरेका छन्। विपक्षी गठबन्धनहरू पुग्नुभन्दा पहिला नै शितल निवासमा पुगेका ओलीले एमालेका १२१ र जनता समाजवादी पार्टीका ३२ सांसदको समर्थन आफूलाई रहेको दाबी पेस गरेका हुन्।
ओलीले एमालेका सबै १२१ सांसद नै आफु पक्षधर भएको दावी सहित शितल निवास पुगेको स्रोतले बतायो । नेपाल पक्षधर सांसदहरु विपक्षी गठबन्धनमा हस्ताक्षर गरेको भएपनि राष्ट्रपति भण्डारीलाई प्रभावित गरी ओलीलाई नै प्रधानमन्त्री नियुक्तिको तयारी शितलनिवासमा भईरहेको स्रोत बताउँछ ।
