काठमाडौं । प्रधानमन्त्री केपी शर्मा ओलीले देशवासीको नाममा सम्बोधन गर्ने भएका छन् । पछिल्लो समय तिव्र गतिमा फैलिएको कोरोना माहामारी र विकसित राजनीतिक घटनाक्रमको सम्बन्धमा दिउँसो ३ बजेर ३० मिनेटमा ओलीले सम्बोधन गर्न लागिएको प्रधानमन्त्रीका प्रेस सल्लाहकार सूर्य थापाले जानकारी दिए ।
पछिल्ला केहीदिनयता नेपालमा कोरोना भाइरस संक्रमण तीव्र गतिमा बढेको छ र स्वास्थ्य मन्त्रालयले संक्रमितको उपचारका लागि अस्पतालमा बेड उपलब्ध गराउन नसक्ने भनिसकेको छ । कोरोना महामारी नियन्त्रणमा प्रभावकारी कदम चाल्न नसकेको भन्दै सरकारको आलोचना भइरहेको छ । सरकार कोरोना माहामारी नियन्त्रण भन्दा पनि सत्ता जोगाउन ध्यान केन्द्रित गरिरहेको आरोप खेप्दै आएको छ ।
