हिमदुत गल्याङ : गल्याङ नगरपालिका लल्याङ्मा रहेको ज्ञानज्योति आधारभूत विद्यालयमा शैक्षिक सामग्री वितरण गरिएको छ ।गल्याङ ३ मा रहेको उक्त विद्यालयमा अध्ययनरत विद्यार्थीहरुलाई शैक्षिक सामग्री वितरण गरिएको हो ।
महिला नेतृ एव गल्याङ जेसिज वर्ष २०२१ कि उपाध्यक्ष जेसि हेमा न्यौपानेले आफ्नो ३५ औँ जन्मदिनको अवसरमा बिद्यालयमा अध्ययनरत ७० जना विद्यार्थीहरुलाई कापी, कलम, विद्यालयका लागि मार्कर, डस्टर लगाएतका सामाग्री वितरण गरेको गल्याङ जेसिजका माहासचिव जेसि ऋषि बस्याल (जिम्माल) ले हिमदुतलाइ जानकारी दिए ।
जेसि हेमा न्यौपानेले जन्मदिनको नाममा हुने फजुल खर्चलाई कटाएर विद्यार्थीहरुको पढाईमा लगाएको बताए । जन्मदिनमा साथीभाई जम्मा गर्ने, केट काट्ने,भोज गर्ने जस्ता कृयाकलापहरुले सामाजिक बिकृती ल्याएको भन्दै आफुले बालवालिकाका लागि खर्च गरेको उनले बताइन। बिद्यालयमा अध्ययनरत ७० जना बिद्यार्थीहरुका लागि आवश्यक पर्ने कापि, कलम र विधालयलाइ आवस्यक पर्ने अन्य सामग्रीहरु वितरण गरेकि हुन। बिद्यार्थीको शैक्षिक उन्नतिको लागि जन्मदिन मनाउने खर्च कटाएको छु ’ न्यौपानेले भनिन् –‘ हामी जन्मदिन मनाउने नाममा हजारौ खर्च गर्न सक्छौं तर गरिब विपन्न विद्यार्थीको शैक्षिक उन्नतिका लागि कहिलै सोच्दैनौं ।’
कार्यक्रममा गल्याङ जेसिजका वर्ष २०२१ का अध्यक्ष गोपिकृष्ण रेग्मिले समाज परिवर्तनमा युवाहरुको भूमिका महत्वपूर्ण रहेको बताए । रमाईलो गर्ने बहानामा हुने फजुल खर्चलाई बचत गरी सामाजिक सेवामा लगाउन जरुरी रहेको रेग्मिले बताए । उक्त विधालयका प्रअ सरस्वती भट्टराईले जन्मदिनको अवसरमा गरिएको सहयोगले बालवालिकाहरुलाई नयाँ उर्जा मिलेको बताए ।
कार्यक्रमको संयोजक जेसि हेमा न्यौपानेको स्वागत मन्तव्यबाट सुरु भएको कार्यक्रमको सभापतित्व जेसि गोपिकृष्ण रेग्मी थिए भने कार्यक्रमको संचालन गल्याङ जेसिजका माहासचिव जेसि ऋषि वस्याल (जिम्माल) ले गरेका थिए ।
