काठमाडौँ– विश्व फुटबलको सर्वोच्च निकाय फिफाको नयाँ वरियतामा नेपाल १७१ औँ स्थानमै यथावत रहेको छ ।
फिफाले जारी गरेको नयाँ वरियताअनुसार दक्षिण एसियामा भारत १०४ औँ स्थानमा र माल्दिभ्स १५५ औँ स्थानमा छ ।
त्यस्तै बङ्गलादेश १८६, भुटान १८९, पाकिस्तान २०० र श्रीलंका २०६ औँ स्थानमा छन् ।
विश्व वरियताको शीर्ष स्थानमा बेल्जियम छ ।
विश्व वरियतामा शीर्ष १० देशको स्थान घटबढ भएको छैन ।
वरियतामा फ्रान्स दोस्रो, ब्राजिल तेस्रो र ईङ्ल्याण्ड चौथो स्थानमा छ । पोर्चुगल पाँचौ, स्पेन छैटौं, अर्जेन्टिना सातौं, उरुग्वे आठौं, मेक्सिको नवौं र ईटाली दशौं स्थानमा रहेको छ ।
