काठमाडौं– स्वास्थ्य तथा जनसंख्या मन्त्रालयले देशभर ४५० कोरोना संक्रमितको विभिन्न अस्पतालका आईसीयू र भेन्टिलेटरमा उपचार भइरहेको जानकारी दिएको छ ।
मन्त्रालयको तथ्यांक अनुसार ५७ को भेन्टिलेटरमा र ३९३ जना संक्रमित आईसीयूमा उपचाररत छन्।
आईसीयूमा रहेका संक्रमितको संख्या सबैभन्दा बढी बागमती प्रदेशमा १४९ जना छन भने ४० जनाको भेन्टिलेटर उपचार भइरहेको मन्त्रालयले जनाएको छ ।
त्यसैगरी लुम्बिनी प्रदेशमा ६३ जना आईसीयूमा र २ जनाको भेन्टिलेटरमा, प्रदेश १ मा ५२ जना आईसीयूमा र ७ जनाको भेन्टिलेटरमा र प्रदेश २ मा १० जनाको आईसीयूमा उपचार भइरहेको मन्त्रालयले जनाएको छ।
त्यस्तै सुदुरपश्चिममा ६ जना आईसीयू, गण्डकी प्रदेशमा १०२ जनाको आईसीयूमा र ८ जनाको भेन्टिलेटरमा भइरहेको छ भने कर्णाली प्रदेशमा ११ जना सक्रमितको आईसीयू उपचार भइरहेको मन्त्रालयले जानकारी दिएको छ ।
