सुशील सुबेदी
स्याङजा , पुस २७ । विद्यालय र शिक्षकहरुलाई प्रबिधीमैत्री वनाउने उद्देश्यले फेदीखोला गाँउपालिकाले शिक्षक शिक्षिकालाई ल्यापटप बितरण गरिएको छ । हामी सबैको प्रण, सार्बजनिक शिक्षा प्रणालीको सबलीकरण भन्ने नारा सहित पालिकाले एक शिक्षक, एक ल्यापटप कार्यक्रमको शुरुवात गरेको हो । शिक्षालाई रुपान्तरण गरी आधुनिक र प्रबिधिमैत्री बनाउन ल्यापटप बितरण गरिएको गाँउपालिकाले जानकारी गराएको छ ।
शिक्षकलाई प्रबिधिमैत्री बनाउन सकियो भने गुणस्तरीयतामा टेवा पुग्ने भएकाले पनि शिक्षकको क्षमता अभिबृद्धिका लागि प्रबिधि हस्तान्तरण गरिएको गाँउपालिकाका अध्यक्ष घनश्याम सुवेदीले वताए । पहिलो चरणमा १५ लाख रकम बिनियोजन गरेको जानकारी दिंदै अध्यक्ष सुवेदीले यस रकमवाट आठ माध्यमिक विद्यालय र १६ आधारभुत बिद्यालय गरी एक सय १५ शिक्षक शिक्षिकालाई ल्यापटप बितरण गरिएको जानकारी दिए ।
शिक्षकहरुलाई उपलब्ध गराएको कम्प्युटरलाई शिक्षण सिकाईमा प्रयोग गर्न आग्रह गर्दै प्रत्येक शिक्षक प्रबिधिमैत्री हुनुपर्ने वताउदै अध्यक्ष सुवेदीले भने, “तपार्ई शिक्षकहरु प्रबिधिमैत्री भएपछि मात्र बिद्यार्थीलाई सिकाउन सकिने भएकाले पहिला तपाई सिक्नु होस् त्यसपछि बिद्यार्थीलाई सिकाउनु होस ।”
बिद्यालय , शिक्षक र स्थानिय सरकारको साझोदारी कार्यक्रम मार्फत उक्त कार्यक्रमको आयोजना गरिएको हो । शैक्षिक क्षेत्रमा उदहारणीय प्रयास गर्दै आएको यस गाउँपालिकाले बिद्यार्थीसँग अध्यक्ष कार्यक्रमको चौथो संस्करण सम्पन्न गरेको छ । बिद्यार्थीको गुनासो सुन्न अध्यक्षनै बिद्यालय पुग्ने, सबै बिद्यालयलाई प्रबिधि मैत्री बनाउन तालिमको आयोजना गर्ने, एक बिद्यालय एक करेसाबारी जस्ता नौलो अभ्यास शुरु गरेको छ ।
धुलो रहित बिद्यालय स्थापना गर्ने उदेश्यले सबै बिद्यालयमा सेतो पाटीको शुरुवात गरेको पालिकाले, यस बर्ष सबै बिद्यालयमा भेण्डिङ मेसिन मार्फत सेनेटरी प्याड निकाल्न सकिने सुबिधा समेत प्रदान गरेको सुबेदीले बताए । सिद्धार्थ माबीमा प्राबिधिक शिक्षालय अन्तर्गत डिप्लोमा ईन कम्प्युटर ईन्जिनियरीङ समेत यसै शैक्षिक बर्षबाट शुरुवात गरिएको शिक्षा शाखा प्रमुख रामचन्द« गुरुङले बताए ।
बाल शिक्षकको लागि प्रोत्सहान स्वरुप मासिक एक हजार र संघीय सरकार मार्फत मासीक ६ हजार प्रदान गर्दै आएको छ । यसैगरी पालिका भित्र रहेका ८ माध्यामिक बिद्यालयमा ६० प्रतिशत गाउँपालिका र ४० प्रतिशत बिद्यालयले तलब भत्ता व्यहोर्ने गरी एक माध्यामिक तह तृत्तिय श्रेणीको आई टी शिक्षकको नियुत्ती गरेको छ । यहाँ रहेका २४ वटै सामुदायिक बिद्यालयमा कालो पाटी बिस्थापीत गर्दै सेतो पाटीको शुरु गरिएको छ ।
फेदीखोला गाउँपालिका उपाध्यक्ष देबी थापाले शिक्षा क्षेत्र प्रबिधी बन्न आबाश्यक रहेको बताईन् । थापाले भनिन् ‘ अहिलेको बैज्ञानिक युगमा दिनहुँ प्रबिधीले फड्को मारेको छ, प्रबिधीसँगै अभ्यस्त हुन नसके शिक्षकमात्र होईन बिद्यार्थीको भबिष्य समेत बिग्रीनेछ ।’
मैदान माध्यामीक बिद्यालयका प्रअ ठम नारायण लामिछाने, राम्चेदेबी आधारभुत बिद्यालयका प्रअ बिन्दु कुमारी पौडेल लगाएत शिक्षकले सामुदायिक बिद्यालयमा यस्ता कार्यक्रमले थप उर्जा मिलेको बताए । प्रबिधीसँग जोड्न ल्यापटप बितरण सहित तालिम प्रदान गर्न आबाश्यक रहेको उनीहरुको भनाई थियो । सामाजिक बिकाश समितिको अध्यक्ष ज्ञानुमाया पौडेलको सभापतित्वमा संञ्चालन भएको कार्यक्रममा आई टि शाखा प्रमुख दिपक ओझाले स्वागत गरेका थिए भने शिक्षा शाखा प्रमुख रामचन्द« गुरुङले कार्यक्रम संञ्चालन गरेका थिए ।