काठमाडौँ । नेकपा (एमाले)का उपाध्यक्ष भीम रावलले पार्टी अध्यक्ष केपी शर्मा ओलीले सोधेको स्पष्टीकरणको औचित्य नभएको भन्दै जवाफ नदिने बताएका छन् । सोमबार सिंहदरबारमा सञ्चारकर्मीसँग कुरा गर्दै रावलले यस्तो बताएका हुन् । रावल एमालेमा माधव नेपाल समूहका हुन् । नेकपा एमालेको जेठ ८ गतेको स्थायी कमिटी बैठकको निर्णयअनुसार माधवकुमार नेपाल पक्षका ११ जना सांसदलाई स्पष्टीकरण सोधिएको थियो ।
ओलीले आफ्ना निकट मान्छेलाई राखेर बनाएको स्थायी कमिटी नै अवैध रहेकोले उक्त बैठकले गरेको निर्णय वैध नहुने उनले बताए । उनले स्पष्टीकरण सोध्ने अधिकार पनि बैठकलाई नभएकाले जवाफ नदिने बताएका हुन् ।
ओलीले विदेशी गुप्तचरसँग बालुवाटारमा भेट गरेपछि एकपछि अर्को राष्ट्रिय हित विपरीतको कार्य गर्दै आएको रावलको आरोप छ ।
