स्याङ्जा , २ असार । स्याङ्जामा बालकको हत्या गरेको आरोपमा एक जना पक्राउ परेका छन् ।
गाउँबाट भागेर स्याङ्जा बजार तर्फ आउँदै गरेका स्थानीय २२ वर्षीय सुजन सुवेदीलाई हत्याको आरोपमा प्रहरीले पक्राउ गरेको हो ।
प्रहरीले सुवेदीलाई गाउँबाट भागेर बजार तर्फ आउँदै गरेको अवस्थामा स्याङ्जा बजारको सहिद चोकबाट पक्राउ गरेको हो ।
स्याङ्जा अर्जुनचौपारी गाउँपालिका वडा नम्बर ६ सिउँडबारी निवासी १० वर्षीय बालक हर्षित देवकोटाको हत्या गरेको आरोपमा सुवेदीलाई पक्राउ गरिएको जिल्ला प्रहरी कार्यालय स्याङ्जाले जनाएको छ ।
बालकको शव घाँटी रेटी हत्या गरेर भिर बाट फालिएको अवस्थामा फेला परेको थियो ।
घटना सम्बन्धमा थप अनुसन्धान भइरहेको प्रहरीले जनाएको छ ।
