काठमाडौं । नेकपा एमालेका नेता एवं पूर्वमन्त्री योगेश भट्टराईले नेकपा एमाले एकताको मुख्य समस्या दुई धु्रर्बमा उभिएका शीर्ष नेतृत्व भएको जिकिर गरेका छन् ।
एमालेका शीर्ष नेतृत्व आफ्नै पार्टीका नेताहरुसंग सहकार्य गर्न तयार नहुने तर विपक्षीसंग सत्ता साँझेदारी गर्न तयार रहने प्रवृत्तिले पार्टी एकतामा समस्या आएको दावी गरेका छन् । उनले शीर्ष नेतृत्वबीच गम्भिर छलफल गरी साझा निष्कर्षका
साथ पार्टी एकता बचाउनुपर्नेमा जोड दिएका छन् । बुधबार सामजिक सञ्जाल मार्फत पार्टी एकताको मुख्य बाधक केपी–माधव–झलनाथ रहेको निष्कर्ष निकालेका छन् ।
यस्ता छन् कारण : ‘कमरेड केपी ओली आफ्नै पार्टीका बरिस्ठ नेता कमरेड जे एन खनाल र कमरेड माधव नेपालसँग सहकार्य गर्न तयार नहुने तर महन्त ठाकुर र राजेन्द्र महतोसँग सत्ता साझेदारी र अन्य बिषयमा गठबन्धन गर्न तयार हुने । कमरेड जे एन खनाल र माधव नेपाल आफ्नै पार्टीका अध्यक्ष कमरेड केपी ओलीसँग मिल्न तयार नहुने तर शेर बहादुर देउपा, प्रचण्ड र उपेन्द्रसँग सत्ता साझेदारी र अन्य बिषयमा गठबन्धन गर्न तयार हुने । कस्ले, किन र के कालागि गर्दैछ यो सब ?
एमाले एकताको समस्याको मुल जड यहीँ छ । यस बिषयमा कमरेडहरु बिचमा गम्भिर छलफल हुनु र साझा निश्कर्सका साथ साझा अभियान मार्फत एमालेको एकता बचाउन जरुरी छ ।’