काठमाडौं । संघीय सांसदहरु र त्यहाँ कार्यरत संसद सचिवालयका कर्मचारीहरुलाई कोभिसिल्ड खोपको दोश्रो डोज लगाउन सुरु गरिएको छ ।
संघीय संसद भवन नयाँ बानेश्वरमा शुक्रबार सभामुख सापकोटाले कोभिसिल्डको दोश्रो डोज लगाएर खोपको शुरुवात गरिएको हो । संसद सचिवालयले नयाँ बानेश्वर स्थिति संघीय संसद भवनको ल्होत्से हलमा आज शुक्रबार, शनिबार र आइतबारका लागि खोपको दोश्रो डोज लगाउने व्यवस्था मिलाएको छ ।
शुक्रबारका लागि प्रतिनिधिसभाका सभामुख, राष्ट्रियसभाका अध्यक्ष, उपाध्यक्ष लगायत दुवै सदनका सांसदहरु, पदाधिकारीहरूका निजी सचिवालयका सबै कर्मचारीका लागि खोप लगाउने व्यवस्था मिलाइएको छ ।
गत फागुन १९ देखि २१ सम्म तीन दिन सिभिल अस्पतालमा कोभिशिल्ड खोपको पहिलो डोज लगाएकाहरुलाई आज दोस्रो डोज दिन सुरु गरिएको हो ।
