काठमाडौं । शुक्रबार काँग्रेस केन्द्रीय कार्यसमिति बैठकले प्रधानमन्त्री केपी शर्मा ओलीको राजीनामा माग्ने र सरकार निर्माणका लागि अग्रसरता लिने निर्णय लिएपछि नेपाली काँग्रेसका वरिष्ठ नेता रामचन्द्र पौडेल र जनता समाजवादी पार्टीमा अध्यक्ष महन्थ ठाकुरबीच आइतबार भेटवार्ता भएको छ ।
प्रधानमन्त्री ओलीसँग निरन्तर संवादमा रहेका ठाकुरलाई ओलीसंग गठबन्धन गर्न नदिने रणनीतिका साथ पौडेल हात्तीवनमा पुगेको बुझिएको छ । तर भेटमा ठाकुरले काँग्रेसको निर्णयप्रति असन्तुष्टि जनाएको बुझिएको छ । भेटमा ठाकुरले तीन दल बसेर निष्कर्षमा पुग्नुपर्ने विषयमा नेपाली कांग्रेसले आफ्नै नेतृत्वमा सरकार बनाउने निर्णयप्रति असन्तुष्टि जनाएको बुझिएको छ ।
‘थियो ।
जवाफमा पौडेलले प्रधानमन्त्रीको नाम अघि नसारिएकोले आपसी छलफलबाट निष्कर्षमा पुग्न सकिने बताएका थिए ।
आइतबार बिहान नेता पौडेल अध्यक्ष ठाकुरको निवास हात्तीवनमा पुगेका थिए । उनीहरुबीच करिब एक घण्टा छलफल भएको बुझिएको छ । ओली नेतृत्वको सरकारको विकल्पमा कांग्रेस, माओवादी र जसपाबीच गठबन्धन आवश्य रहेको छ । यदी तीन दलबीच सहमतिको ड्राफ्ट तयार हुन सके संसदमा प्रधानमन्त्री विरुद्ध अविश्वासको प्रस्तावबाट ओलीलाई अटाउन सकिन्छ ।
