प्रचण्ड-नेपाल नेतृत्वको नेकपाले बुधबार काठमाडौंमा २ लाखभन्दा बढी मान्छे उतार्ने दाबी गरेको छ।
प्रचण्ड-नेपाल समूहको आज बसेको सचिवालय बैठकले बुधबारको विरोध सभाको सबै तयारी पूरा भएको समेत निष्कर्ष निकालेको छ।
‘हाम्रो विरोध प्रदर्शन र जनसभाको तयारी उल्लेख्य रूपमा भएको छ। जनताको उत्साहजनक सहभागिता रहने निष्कर्ष निकालेका छौं,’वरिष्ठ नेता झलनाथ खनालले भने,’हाम्रो सभामा २ लाखभन्दा बढी मान्छे सहभागी हुने निश्चित भएको छ। हामीले सोचेभन्दा उत्साहजनक रूपमा कार्यक्रम सम्पन्न हुने हामीले अपेक्षा गरेका छौं।’
