२६ पौष । पछिल्लो २४ घण्टामा देशभर २ सय ५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै देशभर संक्रमितको संख्या २ लाख ६४ हजार ७८० पुगेको छ । सक्रिय संक्रमितको संख्या ४ हजार ४२२ छ भने क्वारेन्टाइनमा २५७ जना रहेका छन् । त्यसैगरी २४ घण्टामा ५१३ जना निको भइ डिस्चार्ज भएका छन् ।
योसँगै कोरोनाबाट निको हुनेको संख्या २ लाख ५८ हजार ४४१ पुगेको छ । २४ घण्टामा कोरोनाबाट ५ को मृत्यु भएको छ र हालसम्म कोरोनाबाट ज्यान गुमाउनेको संख्या १ हजार ९१७ रहेको छ ।
