काठमाडौं- नेकपा (माओवादी केन्द्र) को केन्द्रीय समितिको बैठक तथा विशेष भेला आजबाट काठमाडौंमा शुरु भएको छ ।
आइतबार बसेको पोलिटव्यूरोको अनौपचारिक बैठकले केन्द्रीय समितिको बैठकबारे आधारभूत तयारी गरेको हो ।
माओवादी केन्द्रका कार्यवाहक अध्यक्ष तिलक थापामगरको अध्यक्षतामा बसेको बैठकमा महासचिव कणजीत बुढाथोकी शुशिलको विशेष आतिथ्यता रहेको छ । बैठकमा देशभरका पार्टीका नेताहरुको सहभागिता रहेको छ ।
आजबाट शुरु भएको बैठक तथा विशेष भेलाको कार्यक्रम मंगलबारसम्म चल्ने बुझिएको छ ।
बैठक तथा भेलाबाट वैचारिक राजनीतिक लगायतका विषयमा छलफल भएको जनाइएको छ ।
बैठकमा महासचिव कणजीत बुढाथोकीले राजनीतिक तथा संगठनात्मक विषयमा आफ्नो कार्यपत्र प्रस्तुत गर्ने र त्यसमाथि सहभागि नेताहरुले छलफल गर्दै प्रदेश, जिल्ला र जवस मोर्चाको कार्य विभाजन गर्दै बैठक समापन गरिने जनाइएको छ ।
