तनहुँ, ८ पौष ।
नेपाली कांग्रेसका केन्द्रीय सदस्य गगन थापाले प्रधानमन्त्री केपी शर्मा ओलीले संसदमा आफूसँग भएको शक्तिको चरम दुरुपयोग गरेकोे आरोप लगाएका छन् ।
मंगलबार प्रेस युनियन तनहुँले दमौलीमा गरेको पत्रकार सम्मेलनमा बोल्दै उनले यती कम्पनीका निम्ति एकपछि अर्को गर्दैै सरकारले गरेको निर्णयप्रति आपत्ति जनाए । ‘संसदलाई गुमराहमा राखिएको छ । संसदलाई हेपिएको छ’–उनले भने–‘प्रधानमन्त्रीले संसदको आफूसँग भएको शक्तिको चरम दुरुपयोग गर्नुभएको छ ।’
नेता थापाले आफ्नो पार्टीको झन्डा बोक्ने मान्छेले अवसर पाओस् भन्ने उद्देश्यबाट गरिएको निर्णय मान्य नहुने बताए । यस्तै ढंगबाट शक्तिको दुरुपयोग गर्दै गए कांग्रेसमात्रै नभइ आमजनता पनि सडकमा उत्रने उनको चेतावनी थियो ।
