काठमाडौँ, १० कात्तिक । नेपाली कांग्रेसका सभापति शेरबहादुर देउवाले कम्युनिष्ट सरकारको अधिनायकवाद विरुद्ध उत्रन कार्यकर्तालाई निर्देशन दिएका छन् ।
नेपाल तरुण दलको स्थापना दिवसको अवसरमा पार्टी मुख्यालय सानेपामा आयोजित कार्यक्रममा देउवाले दुई तिहाइको कम्युनिष्ट सरकार अधिनायकवादतर्फ उन्मुख भएको भन्दै त्यसबिरुद्ध उत्रन कार्यकर्तालाई निर्देशन दिएका हुन् ।
कम्युनिष्टको सरकारबाट सबै आजित भएको भन्दै देउवाले भन्दै अब हुने उप–निर्वाचनमा कांग्रेसले जित्ने दावी गरे । नेपाली कांग्रेसभित्र गुटउपगुट सकिएको भन्दै देउवाले सबै तरुणलाई उपनिर्वाचनको प्रचार प्रसारमा होमिन निर्देशन दिएका थिए । कार्यक्रममा कांग्रेसका नेता,कार्यकर्ता, भ्रातृ संस्था र शुभेच्छुक संघसंस्थाको सहभागिता थियो ।
