हिमदुत १८, भदौं ।
स्याङ्जाको गल्याङ नगरपालिका वाड नं ३ मा जीप दुर्घटना हुँदा एक बालक सहित दुईजनाको मृत्यू भएको छ । दुर्घटनामा २२ जना घाईते भएका छन् ।
पाल्पाको रम्भा गाउँपालिका हुँगीवाट गल्याङ तर्फ आउदै गरेको ग १ ज ३८४१ नंवरको जीप सडकवाट ४ सय मिटर तल खसेको प्रहरी चौकी गल्याङले जनाएको छ ।
दुर्घटनामा मृत्यू हुने बालक वालिङ नगरपालिका वाड नं १४ का हुन् उनको नाम खुल्न सकेको छैन । भने अर्को रम्भा गाँउपालिका वाड नं १ हुँगीकी वर्ष ५५ की खनीमाया नेपाली रहेका छन् । वालकको घटनास्थलमा र नेपालीको अस्पताल लैजादै गर्दा मृत्यू भएको थियो ।
जीपमा झण्डै ३० जना सवार रहेको स्थानीयले जानकारी गराएका छन् । उनीहरु मध्ये २२ जना घाईतेलाई उपचारको लागि पाल्पा रिफर गरिएको छ । उनीहरु मध्ये अधिकांश गम्भीर रहेका छन् । भने दुई जनाको स्थानीय अस्पतालमा उपचार भइरहेको प्रहरीले जनाएको छ ।
जीप गल्याङ स्थित वुटवल पावर कम्पनी लि. को पावरहाउस नजिकै दुर्घटनाग्रस्त भएको थियो । चाडवाडका वेला ग्रामिण सडकमा क्षमताभन्दा वढी यात्रु चढाएकाले जीप दुर्घटनामा परेको स्थानीयले वताएका छन् । स्याङ्जाका अधिकांश ग्रामिण सडकमा यस्तै जीपहरुवाट यात्रा गर्ने गरिन्छ । सडकको स्तर वृद्धि भएपनि सडकमा जीपहरुमा यात्रुहरु जोखिमपूर्ण यात्रा गर्न वाध्य रहेका छन् ।
