हिमदुत १८, भदौं ।
स्याङ्जाको गल्याङ नगरपालिका वाड नं ३ मा भएको जीप दुर्घटनामा तिन जनाको मृत्यू भएको छ । भने २३ जना गम्भीर घाईते भएका छन् ।
पाल्पाको रम्भा गाउँपालिका हुँगीवाट गल्याङ तर्फ आउदै गरेको ग १ ज ३८४१ नंवरको जीप सडकवाट ४ सय मिटर तल खसेको प्रहरी चौकी गल्याङले जनाएको छ ।
दुर्घटनामा वालिङ नगरपालिका वाड नं १३ वाँयाखोलाका नौ महिनाका पल्सन परियार, रम्भा गाँउपालिका वाड नं १ हुँगीकी वर्ष ५५ की खनीमाया नेपाली र सोही ठाँउकी वर्ष ३४ की मञ्जु भण्डारी गैह्रे को मृत्यू भएको छ । नेपाली र गैह्रेको अस्पतालमा मृत्यू भएको प्रहरीले जनाएको छ ।
दुर्घटनामा घाईतेको पाल्पा स्थित मिसन र मेडिकल कलेज प्रवासमा उपचार भइरहेको छ ।
गल्याङमा उपचाररत सामान्य घाइते ४ जना भने डिस्चार्ज भई घर फर्केका प्रहरीले जनाएको छ ।
जीपमा झण्डै ३० जना सवार रहेको स्थानीयले जानकारी गराएका छन् । उनीहरु मध्ये २२ जना घाईतेलाई उपचारको लागि पाल्पा रिफर गरिएको छ । उनीहरु मध्ये अधिकांश गम्भीर रहेका छन् । भने दुई जनाको स्थानीय अस्पतालमा उपचार भइरहेको प्रहरीले जनाएको छ ।
