स्याङ्जा १७ भदौ ।
हरिनास गाँउपालिका वाड नं ३ ललहीमा धारिलो हतियार प्रयोग गरि बाबु छोराको हत्या भएको छ । स्याङ्जाको साविक मग्याम चिसापानीका बर्ष ३० का चित्रबहादुर खड्का र उनका ४ बर्षिय छोरा रिजन खड्काको हत्या भएको हो ।
मंगलवार विहान ४ बजे तिर मुखमा मास्क लगाएर आएका हतियार धारीले हत्या गरेको खड्काकी श्रमितिले बताएकी छन् । अहिले स्याङ्जाका प्रहरी प्रमुख नेतृत्वको टोली घटनास्थलमा पुगेको छ । यसबारे पूर्ण विवरण भने आउन बाँकी छ ।
एउटै कोठामा बाबु छोरा एउटा खाटमा र श्रीमति अर्को खाटमा सुतेका बेला घट्ना भएको बताइएको छ ।
मुखमा माक्स लगाएका मानिसले श्रीमान र छोरालाइ हतियारले हानी रहेको देखेपछि खड्काकी श्रीमतिले चिच्चाएपछि स्थानीयले प्रहरीलाई खवर गरेको बताइएको छ । घट्नाबारे अनुसन्धान भइरहेको प्रहरीले जनाएको छ ।
