हिमदुत सम्वाददाता
स्याङ्जा–३२, साउन ।
गण्डकी प्रदेशको प्रसिद्ध धार्मिक स्थल छायाँक्षेत्र मन्दीरमा गत साउन १ गतेवाट सन्चालन गरेको शिव महाआरती तथा कथा वाचन आजवाट सकिदैछ । साउन महिना भगवान शिवको आरधना गर्ने महिना भएकोले प्रसिद्ध छायाँक्षेत्र मन्दीरमा एक महिना महाआरती गरिएको हो ।
एक महिना सम्म सन्चालन गरिएको महाआरती तथा कथावाचन कार्यक्रम आज नेपाल सरकारका पूर्व मन्त्री तथा नेपाली काँग्रेसका केन्द्रिय सदस्य गोपालमान श्रेष्ठले समापन गर्ने कार्यक्रम रहेको मुल आयोजक समितीले जानकारी दिएको छ ।
भगवान शिवले शतिदेवीको मृत शरिर वोकेर हिड्दै गर्दा अन्तिम शेष अंग पतन भएको किंवदन्तीमा आधारित यस छायाँक्षेत्रमा साउन महिनामा हरेक दिन भक्तजनको उपस्थिती हुने गरेकाले र शिव आरधना गर्ने महिनाको रुपमा रहेकाले पुरै महिना महाआरती आयोजना गरिएको मन्दीर व्यवस्थापन समितीका अध्यक्ष तथा महाआरती मूल समारोह समितीका अध्यक्ष पिताम्वर श्रेष्ठले जानकारी दिए ।
यस अवधिभर कलश, मन्दीरको आजिवन सदस्य, आरती गर्ने कर्ता र अन्य दान सहयोगवाट मन्दीरलाई झण्डै ८० लाख संकलन भएको अध्यक्ष श्रेष्ठले जानकारी दिए । जसमा भिरकोट नगरपालिकाले ३ लाख ५१ हजार सहयोग गरेको छ । भने वरिष्ठ यूवा उद्यमी खुमा अर्यालवाट दुई लाख ५१ हजार दान सहयोग प्राप्त भएको छ । अन्य रु एक लाख सहयोग गर्ने भिरकोट नगरपालिकाका क्या. दुर्गावहादुर थापा, लोकवहादुर सेन र गरिमा विकास बैंक रहेका छन् । भने ५० हजार २५ हजार दिने दानदाता पनि प्रशस्त रहेको अध्यक्ष श्रेष्ठले जानकारी दिए । यस अवधीमा मन्दीरको सात सय जनाले आजिवन सदस्यता वनेर सहयोग गरेका छन् । शिव महाआरती पं. प्रकाश तिवारीले कथावाचन गरेका थिए ।
एक महिना अवधिभर सन्चालन गरिएको कार्यक्रममा झण्डै २० लाख खर्च अनुमान गरिएको समेत अध्यक्ष श्रेष्ठले हिमदुतलाई जानकारी दिए ।
