काठमाडौँ । प्रमुख प्रतिपक्ष दल नेपाली कांग्रेस केन्द्रीय सदस्य प्रदीप पौडेलले राष्ट्रिय सभा सदस्य उमेद्वार रामबहादुर थापा बादलप्रति टिप्पणी गरेका छन् । सत्तारुढ नेकपा एमालेका उम्मेद्वार बादलले आज भएको राष्ट्रियसभा उपनिर्वाचनमा कांग्रेस, नेकपा माओवादी केन्द्र र एमालेकै माधवकुमार नेपाल समूहका उम्मेद्वार खिमलाल देवकोटासँग हार व्यहोरेका थिए ।
बादललेले राजनीतिक मूल्य चुकाएको पौडेलले बताएका छन् । ‘नैतिक पतन भएका जो कोहिले राजनैतिक मूल्य चुकाउनु पर्छ । आज त्यै भयो,’ उनले ट्वीटरमा लेखेका छन्, ‘शक्तिको आडमा राजनीति गर्न खोज्नेलाई आदलत र निर्वाचन दुबैले अस्वीकार गरिदिएको छ । प्रधानमन्त्री स्वयं मैदानमा उत्रिदा पनि सफल भएनन् । प्रतिगमनको मतियार बनेका अवसरवादीहरुको अवसान भएको छ ।’
