काठमाडौं । सोमबार बस्ने केन्द्रीय कार्यसमिति बैठकको एजेण्डा तय गर्न बोलाइएको नेपाली कांग्रेसको पदाधिकारी बैठकमा पार्टी सभापति शेर बहादुर देउवा र बरिष्ठ नेता रामचन्द्र पौडेल नै अनुपस्थित भएका छन् । आइतबार अपरान्ह पार्टी केन्द्रीय कार्यालय सानेपामा बसेको बैठकमा सभापति देउवा र नेता पौडेल अनुपस्थित रहेका थिए । देउवा कार्यव्यस्ता र पौडेल तनहुँमा छन् रहेको कारण बैठकमा नआएको कार्यलय मुख्य सचिव कृष्ण प्रसाद पौडेलले बताए ।
आगामी महाधेशनको बारेमा छलफल गर्न बैठक बोलाइएको थियो । क्रियाशील सदस्यता वितरण तथा नवीकरणका काम र समायोजनबारेका काममा बैठक केन्द्रीत रहेको प्रवक्ता विश्वप्रकास शर्माले बताएका छन् ।
आजको बैठकमा उपसभापति विमलेन्द्र निधिले समायोजन समितिले हालसम्म गरेका काम र उत्पन्न समस्याबारे बिफ्रिङ गरेका थिए।
यस्तै केन्द्रीय क्रियाशील छानविन समितिका संयोजक रमेश लेखकले क्रियाशील सदस्यता वितरण सम्बन्धमा देखिएका समस्याबारे जानकारी गराएका थिए। कांग्रेसको ६ जिल्लामा विवादको कारण क्रियमाशील सदस्यता वितरण तथा समायोजनको काम ठप्प रहेको छ । सिन्धुपाल्चोक जिल्लामा त समायोजनकै काममा विवाद हुँदा क्रियाशील फारम नै पुगेको छैन।
चैत १० गतेसम्म क्रियाशी वितरण गरी केन्द्रमा जानकारी दिन निर्देशन दिए पनि विभिन्न जिल्ला कार्यसमितिले क्रियाशी सदस्यता वितरण गर्न सकेका छैनन्।गत शुक्रबार बसेको केन्द्रीय कार्यसमिति बैठकले चैत ३० गतेसम्म क्रियाशील बाँड्न भने पनि यो अवधिमा थप क्रियाशील वितरण हुन सकेन।
‘अब कति दिन थप गर्दा क्रियाशील सदस्यता वितरण तथा नवीकरणका साथै विवरण इन्ट्री भइसक्छ भन्नेबारे आज सामान्य छलफल भएको भोलि केन्द्रीय समितिले यसबारे निर्णय गर्ने प्रवक्ता शार्माले बताएका छन् ।
भोलि बस्ने केन्द्रीय कार्यसमिति बैठकले माहाधिवेशनको कार्यतालिकामा केही हेरफेर सम्बन्धि निर्णय हुन सक्ने बताइएको छ ।
कांग्रेसले भदौ ७ देखि १४ औं महाधिवेशन गर्ने भने पनि पटकपटक महाधिवेशन कार्यतालिका प्रभावित भइरहेको छ।
