काठमाडौं । पुष्पकमल दाहाल प्रचण्ड र माधव नेपालले नेतृत्व गरेको बहुमत नेकपा केन्द्रिय समितिद्वारा स्थायी समितिका सदस्य तथा दलका उपनेता सुवास नेम्वाङ्सहति ७ जनामाथि अनुशासनको कारवाही गरेको छ ।
आज पार्टी केन्द्रिय कार्यालय पेरिसडाँडामा बसेको बैठकले नेताहरु महेश बस्नेत, विशाल भट्टराई, शान्ता चौधरी, सूर्य थापा, प्रभु साह र कर्णबहादुर थापालाई पार्टीबाट निलम्बन गरेको हो ।
दलका उपनेता नेम्वाङ्लाई पार्टी अनुशासन उलंघन गरेको भन्दै स्थायी समितिबाट ६ महिना निलम्बन र ३ दिनभित्र दलको उपनेताबाट राजिनामा दिन निर्देशन दिएको हो ।
यसअघि प्रचण्ड नेपाल समूहले प्रधानमन्त्री समेत रहेका अध्यक्ष केपी ओलीलाई पार्टीको साधारण सदस्य समेत नरहने गरी निलम्बन गरिसकेको छ ।