काठमाडौं – नेपाल कम्युनिस्ट पार्टी (नेकपा) प्रचण्ड–नेपाल पक्षका नेता भीम रावलले प्रधानमन्त्री केपी शर्मा ओली गन्हाएर बालुवाटार गइनसक्नु भएको बताएका छन् ।
प्रचण्ड–नेपाल पक्षको अनेरास्ववियू उपत्यका स्तरीय भेलालाई सम्बोधन गर्दै रावलले ओली गन्हाएका बताएका हुन् । नेता रावलले ओली १ नम्बर भगौडा भएको आरोप समेत लगाएका छन् ।
नेता रावलले ओलीलाई सिद्धान्त र नीतिका डल्लाले धोएर समेत पखाल्न नसकिएको भन्दै व्यंग्य गरेका छन् । ‘ओलीलाई सिद्धान्त र नीतिका साबुनका डल्लाले धोयौं, विधिको डल्लाले धोयौं । त्यसरी धुँदाधुँदा कैयौं ड्रमका ड्रम सिद्धान्त सकिए । विधि सकिए, नीति सकिए । तर अहिले बालुवाटार वरिपरि गइसक्नु छैन, ओली गन्हाएका छन्,’ उनले भने ।
