स्याङ्जा २९ असोज ।
स्याङ्जाको वालिङ् नगरपालिकाले म्याद गुज्रेका अखाद्य वस्तु नष्ट गरेको छ । दशैं तिहारका अवसरमा नगरपालिकाले विभिन्न पसलहरुमा अनुगमन गर्दा भेटिएका अखाद्य वस्तुहरु बुधबार नष्ट गरेको हो ।
अखाद्य वस्तु नस्ट गर्दै वालिङ नगरपालिकाका प्रमुख प्रशासकीय अधिकृत गुरुदत्त सुवेदिले बजार अनुगमनको क्रममा म्याद गुज्रेका सामान जफत गरी नष्ट गरेको जानकारी दिएका छन् । सुवेदीले कुनै पनि म्याद गुज्रेका सामान बेचेर जनस्वास्थ्यमा असरपार्ने काम गर्न नहुने र गरेको पाईएमा कारबाही गर्ने समेत जानकारी दिए ।
अधिकृत सुवेदीले अब वालिङ नगरपालिकाले नियमित रुपमा अनुगमन गर्ने बताउदै आम उपभोक्तालाई पनि म्याद भए नभएका सामान हेरेर सामान खरिद गर्न आग्रह गरेका छन् ।
सोही अवसरमा वालिङ उद्योग वाणिज्य संघका कार्यकारी सचिव बाबुराम रेग्मीले उद्योग वाणिज्य संघले पनि समय समयमा बजार अनुगमन गरिरहेको जानकारी दिदै म्याद गुज्रिएका समानहरु पसलमा नराख्न आग्रह गरेको वताएका थिए । वाणिज्य संघ व्यावसायीहरुको हक हितमा काम गर्ने संस्था हो तर उपभोक्ताहरुको स्वास्थमा समेत संघले मध्येनजर गर्दै बेला बेला बजार अनुगमन गर्ने गरेको जानकारी दिए ।
चाडपर्वको बेलामा मात्र नभएर अन्य समयमा पनि अब नियमित अनुगमन गर्ने नगरपालिकाले जनाएको छ ।
