हिमदुत सम्वाददाता
२२ साउन, स्याङ्जा
शिक्षक सेवा आयोग उत्तिर्ण गरेका र स्याङ्जा जिल्लामा सिफारिस भइ आएका नयाँ शिक्षकहरुलाई आज जिल्ला समन्वय समितीको अध्यक्षवाट शपथ ग्रहण गरेको विषयलाई लिएर नेपाल विद्यार्थी संघ स्याङ्जाले विज्ञप्ती प्रकाशित गरी ध्यानाकर्षण गरेको छ ।
शिक्षण पेसालाई आफैमा मर्यादित र आदर्श पेसाको रुपमा लिइन्छ । देशैभर शिक्षक सेवा आयोगको परिक्षामा उत्कृष्ट हुदै विभिन्न शिक्षकहरुले नियुक्ती लिदैछन । कानुनतः शिक्षक सेवा आयोगको परिक्षा पास गरेका शिक्षकहरुलाई जिल्ला शिक्षा विकास तथा समन्वय इकाइले शपथ खुवाएर मात्र नियुक्ती दिन्छ । शिक्षकलाई जिल्ला शिक्षा अधिकारी वा इकाई प्रमुखले शपथ ग्रहण गराएर नियुक्ती दिने कानुनतः प्रावधान रहेपनि यता स्याङ्जामा भने यस्तो नभएको पाइएको छ ।
शिक्षा विकास तथा समन्वय इकाइ स्याङ्गजाले मंगलबार नियुक्तीपत्र वितरण तथा शपथग्रहण कार्यक्रम आयोजना गरेको थियो । कार्यक्रममा नयाँ नियुक्ती हुने ३५ जना शिक्षकहरुलाई शपथग्रहण सहित नियुक्तीपत्र वितरण गरियो तर शपथ ग्रहण भने कानुन विपरित जिल्ला समन्वय समिती अध्यक्ष सिता सुन्दासले गराएको कुराले यतिबेला चर्काे आलोचना भइरहेको छ । शिक्षा ऐनलेनै निर्दिष्ट शिक्षा ईकाई प्रमुखले गराउनु पर्ने शपथ जनप्रतिनीधीले गराएको र अनावश्यक रुपमा राजनिती गर्न खोजेको सरोकारवालाहरुको आरोप छ ।
यता शिक्षा विकास तथा समन्वय इकाइ स्याङ्जाका प्रमुख गुरुप्रसाद पौडेलले भने कानुनले त आफुलाई अधिकार दिएको तर जिसस प्रमुख भएकोले उनीबाट गराएको बताएका छन् । शिक्षा इकाई प्रमुख पौडेललाई सम्पर्क गर्दा उनले भने ‘‘ कानुनतः त मैले नै गराउनुपर्ने हो तर प्रमुख जिल्ला अधिकारी र जिसस प्रमुखको उपस्थिती रहेकाले मेरो रहोवरमा म सचिव भएको कारण उहाँबाट गराइएको हो । ’’
उता नेपाल विद्यार्थी संघ स्याङ्जाका सभापती अजित क्षेत्रीले विज्ञप्ती प्रकाशित गरी कानुन मिचेर गरिएको सपथ ग्रहण सच्चाउन माग गरेको छ । विज्ञप्तीमा प्रचलित शिक्षा सम्वन्धी ऐनको ९५ सामुदायीक विद्यालयको शिक्षक नियुक्ती सम्वन्धमा (४) उपनियम (१) वमोजिम जिल्ला शिक्षा अधिकारी (इकाई प्रमुख)ले अनुसुचि १५ वमोजिमको ढाँचामा सपथ गराउनुपर्नेमा राजनीतिक रंग दिनेगरी जिल्ला समन्वय संयोजकले गराएको घटनाले निर्दोश शिक्षक साथीहरुको सपथको वैधानिकतामा प्रश्न उठेको उल्लेख गरिएको छ ।
विज्ञप्तीमा उक्त सपथ ग्रहण वैधानिक तवरले गरी सच्चाउन सम्वन्धीत निकायलाई ध्यानाकर्षण गरेको छ । गल्ती नसच्चाए नेपाल विद्यार्थी संघले कडा अन्दोलन गर्ने चेतावनी समेत दिएको छ ।
