काठमाडौं–९, भदौ ।
नेपाल कम्युनिस्ट पार्टी (नेकपा)को पार्टी एकिकरण भएको १५ महिना पछि अध्यक्ष पुष्पकमल दाहाल ‘प्रचण्ड’ले आज सचिवालय बैठक बोलाएका छन् ।
अर्का अध्यक्ष केपि ओली स्वास्थ्य उपचारका लागि सिंगापुर भएको अवस्थामा प्रचण्डको अध्यक्षतामा आज सचिवालय बैठक बस्न लागेको हो । बैठक दिउँसो १ बजे पार्टी कार्यालय धुम्बाराहीमा बस्नेछ । बैठकमा पार्टी एकताको बाँकी काम टुंगो लगाउने, टुंगो लागेका कमिटीलाई सक्रिय बनाउने र जागरण अभियानको विषयमा छललफल गरिने एजेण्डा राखिएको नेकपा प्रवक्ता नारायणकाजी श्रेष्ठले जानकारी दिए ।
आन्तरिक पार्टी विवाद मिलाउने उद्देश्यले बैठक बोलाइएको बुझिएको छ । गत बिहीबारको सचिवालय बैठकमा ओली र अर्का बरिष्ठ नेता माधवकुमार नेपालबिच व्यक्तिगत तहमा भनाभन भएपछि नेकपा भित्रको बिबाद थप उत्कर्षमा पुगेको छ । अध्यक्ष दाहालले वरिष्ठ नेता माधवकुमार नेपालसँग समेत छलफल गर्दै सचिवालय बैठक बोलाएका हुन् ।
झन्डै १५ महिना पछि बैठकको अध्यक्षता गर्नेसम्म अधिकार पाएका दाहालले नेकपा भित्रको बिबाद ओली उपचार गरेर स्वदेश फर्कनु अगावै सल्टयाउने प्रयास गरिरहेको छन् ।
नेकपाको पोलिटव्यूरो कमिटी, आयोग, मञ्च, प्रवास कमिटीसहित केही केन्द्रीय सदस्यहरुको कार्यविभाजन टुंगो लाग्न बाँकी छ।
