वालिङ ३० चैत्र । स्याङ्जाको वालिङमा नयाँ वर्षको अवसर पारेर वैशाख १ गतेदेखि दोस्रो शिक्षा, उद्यमशीलता तथा शिप मेला २०८२ हुने भएको छ ।
स्याङ्जामा स्थापित गैह्र नाफामुलक संस्था स्याङ्जा थिंक ट्याङ्कको आयोजनामा हुन लागेको सीप मेला तीन दिन सम्म सन्चालन हुने आज आयोजित पत्रकार भेटघाट कार्यक्रममा संस्थाका संस्थापक दिनकर नेपालले जानकारी दिए ।
स्याङ्जा थिंक ट्याङ्क मार्फत शिक्षा र उद्यमशीलताका विषयमा विभिन्न ठाउँमा भौतिकरूपमा तथा भर्चुअल माध्यमवाट विशेष गरेर यूवा तथा विद्यार्थी लक्षित कार्यक्रम सन्चालन गर्दै आईरहेको संस्थाका संस्थापक दिनकर नेपालले पत्रकार भेटघाटमा जानकारी दिए ।
गत वर्षवाट सुरू गरिएको मेला यस वर्ष दोस्रो संस्करणको रूपमा सन्चालन हुनेछ । मेलाका अवसरमा स्याङ्जा थिंक ट्याङ्क संग विभिन्न समयमा सहयोग र सहकार्य गर्ने १७ जना उत्कृष्ठ नेतृत्व लाई सम्मान गर्ने कार्यक्रम समेत रहेको जानकारी दिए ।
मेलाको अवसरमा उद्दमशीलता र वित्तिय साक्षरता सम्वन्धी कक्षा तथा कविता प्रतियोगिता समेत आयोजना गरिएको जानकारी दिए ।
