वालिङ- २१, पौष। नेपाल रेडक्रस सोसाईटी धनुवाँसे उपशाखा वालिङको छैटौं अधिवेशनवाट पुन गुणनिधि काफ्लेको नेतृत्वमा नयाँ कार्य समिति सर्वसम्मत चयन भएको छ ।
उप शाखाको शनिवार वालिङ १ खहरेमा अधिवेशन सम्पन्न भएको हो । अधिवेशनवाट उप सभापति सीता काफ्ले, सचिव मदन काफ्ले, उपसचिव कुशल काफ्ले, कोषाध्यक्ष हुमनाथ रेग्मी, उप कोषाध्यक्ष धन प्रसाद काफ्ले र सदस्यहरूमा जिवलाल काफ्ले, कृष्णवन्धु काफ्ले, गणेश राउत, धनवहादुर गुरूङ र सुभद्रा रेग्मी गरि ११ सदस्यिय कार्यसमिती सर्वसम्मत चयन भएका छन् ।
अधिवेशनको उद्घाटन समारोहमा निर्वाचन संयोजक तथा पेखु बाघखोर उपशाखाका सभापती विष्णु प्रताप खाँणले रेडक्रसको सेवा विपत परेका वेला महत्वपूर्ण हुने वताए । विगतमा आई परेका समस्यामा निकै राम्रो काम गरेको रेडक्रसले भविस्यमा पनि त्यस्तै समन्वयकारी भूमिका निर्वाह गरि राख्न आग्रह गरे ।
कार्यक्रमका समाजसेवी जिवलाल काफ्लेले सरकार जान नसकेको स्थानमा रेडक्रस पुगेकोे स्मरण गर्दै विपद व्यवस्थापन तथा मानविय सेवामा सरकार संग विगत जस्तै जोडी रहन आग्रह गरे । उनले उपशाखाको भौतिक तथा क्षमता विकाशका लागि सदैव सहयोगी वन्ने बताए ।
सोही अवसरमा समाजसेवी केदार काफ्ले र अर्जुन प्रकाश अर्यालले रेडक्रसले नयाँ पुस्तालाई मानवीय सेवामा लाग्न उत्प्रेरित गर्नु पर्ने बताउदै मानवताको सेवामा लाग्न सवैमा आग्रह गरे ।
कार्यक्रम गुणनिधि काफ्लेको अध्यक्षतामा सम्पन्न भएको थियो ।
