दुई प्रेमिल जोडीको रोमान्टिक प्रेम कहानीमा आधारित म्युजिक भिडीयो ‘माइली’ भर्खरै मात्र सार्वजनिक भएको छ ।
गाउँले परिवेश, त्यसमाथि पनि घरपरिवारले नस्वीकार्ने हो कि भन्ने डरै डरका बीच हुर्किएको माया ।… यस्तै घटनाक्रमसँगै गुज्रिएको उनीहरुको प्रेमयात्रामा कयौं वाधा अड्चनहरु आउँछन्, समाज तगारो बनेर उभिन्छ । अविचलित भई गरेको संघर्षले मायामा सार्थकता पाउँछ । यो गीत युट्युव च्यानल वाइड नेपाल बाट सार्वजनिक भएको हो । गीतमा कमला अधिकारी र सित्तल भेट बस्यालको स्वर रहेको छ भने शब्द संकलन प्रकाश सिग्देलले गरेका हुन् ।
रिचा थापा र सुमित थापाको मुख्य भूमिका रहेको यस म्युजिक भिडियोमा अन्य कलाकारहरुको पनि जोडदार अभिनय रहेको छ । साथै अनु कार्कीको कथा तथा परिकल्पनालाई रा सिवले निर्देशन गरेका छन् । शिक्षण पेशामा आवद्ध कमला अधिकारी गायन सँगै लेखन कार्यमा पनि सक्रिय छन् ।
उनको पहिलो गीति एल्बम मुनाले पनि दर्शक श्रोताहरुको राम्रो माया पाएको छ । गायक सित्तल भेट बस्याल एक सफल संगीतकर्मी हुन् र लामो समयदेखि व्यावसाियक पत्रकारितामा लाग्दै आएका छन् ।
