भिरकोट, ३ माघ ।
भिरकोट नगरपालिका वडा नं ५ स्वरेक सिम्ले स्थित जनप्रिय माध्यमिक विद्यालयमा शैक्षिक स्तरउन्नती साथै प्राविधिक शिक्षालय स्थापनार्थ ज्ञान महायज्ञ लगाउने तयारी गरेको छ ।
भगवान शिवको विशेष महिनाको रुपमा मानिने माघ महिनामा ज्ञान महायज्ञ आयोजना गर्न लागिएको विद्यालयले जनाएको छ । महायज्ञ यही माघ ७ गतेवाट १४ गते सम्म सन्चालन हुनेछ ।
२०१८ सालमा प्रा.वि. को रुपमा स्थापना भई २०३६ सालमा नि.मा.वि गरि २०६५ सालमा माध्यमिक विद्यालयमा स्तरउन्नती भएको उक्त विद्यालयले आगामी दिनमा उच्च शिक्षा समेत सन्चालन गर्ने तयारी स्वरुप महायज्ञ सन्चालन गर्न लागिएको विद्यालयका व्यवस्थापन समितीका अध्यक्ष राजिन्द्र सिंहले जानकारी दिए ।
महायज्ञ सन्चालनका लागि स्थानीयहरुको भेलाले १ सय ५१ सदस्यीय मुल आयोजक समितीको गठन समेत गरिसकेको छ । जसको संयोजकमा वालिङ नगरपालिका वडा नं ११ का वडा सदस्य चोलकान्त पौडेल रहेका छन् । भने भेलाले भीरकोट नगरपालिकाका प्रमुख छायाँराम खनालको संयोजकत्वमा ७ सदस्यीय सल्लाहकार समितीको समेत गठन गरेको छ । भेलाले महायज्ञको निर्देशकमा वडा अध्यक्ष यामप्रसाद अधिकारी र सहनिर्देशकमा विद्यालय व्यवस्थापन समितीका अध्यक्ष राजिन्द्र सिंहलाई चयन गरेको छ ।
भेलामा भीरकोट नगरपालिकाका प्रमुख छाँयाराम खनालले धर्म संस्कृतीको संरक्षण र सम्वर्दनले सामाजिक सहअस्थित्व र धार्मिक सहिष्णुतालाई कायम राखि सम्मुनत राष्ट्र निर्माणमा सहयोग हुने भन्दै धर्म संस्कृतिको जगेर्ना गर्नुपर्ने वताएका थिए । राष्ट्र राष्ट्रियताको रक्षा र धर्म संस्कृतिको रक्षाका लागि नैतिक शिक्षाको अभाव भएकाले विद्यार्थीलाई नैतिक शिक्षा पढाउनुपर्ने वताएका थिए ।
विद्यालय व्यवस्थापन समितीको अध्यक्ष राजिन्द्र सिंहको अध्यक्षतामा सम्पन्न भेलामा भिरकोट नगरपालिका वाड नं ५ का वडा अध्यक्ष यामप्रसाद अधिकारी, वालिङ ११ का वडा सदस्य चोलाकान्त पौडेल, भिरकोट ५ की वडा सदस्य मिना खाँण, विद्यालय व्यवस्थापन समितीका पूर्व अध्यक्ष पूर्ण प्रसाद अर्याल, देवी प्रसाद पौडेल लगायतले वोलेका थिए । भेलाको सन्चालन ख्यामनारायण खनालले गरेका थिए
