वालिङ्, २२ कात्तिक ।
सञ्चार तथा सूचना प्रविधिमन्त्री गोकुलप्रसाद बाँस्कोटाले ‘समृद्ध नेपाल स् सुखी नेपाली’ बनाउने सरकारको लक्ष्यपूरा गर्न सूचना प्रविधि क्षेत्रले महत्वपूर्ण भूमिका निर्वाह गर्ने बताए । नयाँ युग अनुसार सरकारले अगाडी सारेको डिजिटल नेपालको फ्रेमवर्कले समृद्धिका लक्षहरु प्राप्त गर्न सकिने वताएका छन् ।
वालिङ नगरपालिकाले शुक्रबार वालिङमा आयोजना गरेको स्वागत कार्यक्रममा सम्वोधन गर्दै मन्त्री बाँस्कोटाले नेपालका केही कार्यालयहरुवाट डिजिटल प्रविधिको शुरुवात गर्नेक्रममा वालिङ नगरपालिका पनि छनोट भएको स्मरण गराउँदै सरकारको तर्फबाट पूरा गर्नका लागि सहयोग हुने प्रतिवद्धता ब्यक्त व्यक्त गरेका थिए ।
नेपाल सरकारका प्रवक्ता समेत रहेका मन्त्री बास्कोटाले सूचना तथा प्रविधिको सही प्रयोगले जीवनलाई सरलतातर्फ लैजाने र यसैको दुरुपयोगका कारण समाजमा अनेक विकृतिहरु पनि भइरहेको प्रति लक्षित गर्दै सचेत भई प्रविधिको सहि सदुपयोग गर्न आग्रह गरेका थिए ।
कार्यक्रममा सरकार प्रगति देखाउने गरी अगाडि बढेको भूमि ब्यवस्था सहकारी तथा गरीवी निवारण मन्त्री पद्माकुमारी अर्यालले बताइन् । मन्त्री अर्यालले सरकार डिजिटल प्रविधिमा फड्को मार्दै अगाडि बढेको बताउँदै देखिएका सपनाहरु पूरा गरेरै छाड्ने प्रतिवद्धता व्यक्त गरिन् । केही सरकारी झण्झटिलोका कारण सिद्धार्थ राजमार्ग चौडा गर्ने प्रक्रिया कार्यान्वयनमा ढिला भएको बताउँदै मन्त्री अर्यालले अब उक्त कार्य पनि अन्तिम चरणमा पुगेको जानकारी गराएकी छन् ।कार्यक्रममा वालिङ नगर प्रमुख दिलीपप्रताप खाँणले वालिङ नगरपालिका डिजिटल प्रविधिबाट काम गर्ने प्रक्रियामा रहेको जानकारी दिए ।
वालिङ नगरपालिकाले आधुनिक सूचना तथा प्रविधिलाई प्राथमिकतामा राख्दै नगरपालिकाबाट प्रदान गर्ने सेवाहरुलाई पेपरलेस, क्यासलेस तथा समग्रमा डिजिटल प्रविधिबाट सञ्चालन गर्ने अन्तिम तयारीमा रहेको नगर प्रमुख खाँणले जानकारी दिए ।
वालिङ नगरपालिका कार्यालयभित्र प्रवेश गर्दा दलगत कुरा अहिलेसम्म नउठेको र विकासका लागि सबै दल एकजुट भएर अगाडि बढ्नु वालिङका लागि उदाहरणीय कार्य भएको नगर प्रमुख खाँणले जानकारी दिए ।
कार्यक्रममा उपप्रमुख कल्पना तिवारीले वालिङको विकासका लागि सबै एकजुट भएर लाग्नुपर्नेमा जोड दिइन् । नगर प्रमुख दिलीपप्रताप खाँणको सभापतित्व एवं स्वागतमा सम्पन्न कार्यक्रममा धन्यवाद नगर उपप्रमुख कल्पना तिवारीले र सञ्चालन प्रमुख प्रशासकीय अधिकृत गुरुदत्त सुबेदीले गरेका थिए।
