काठमाडौं, १३ कात्तिक । नेपाली राष्ट्रिय क्रिकेट टिमको कप्तानमा ज्ञानेन्द्र मल्ल चयन भएका छन् । पारस खड्काले कप्तानबाट राजीनामा दिएपछि नेपाल क्रिकेट संघले ज्ञानेन्द्रलाई कप्तानको जिम्मेवारी दिएको हो । ओपनर ब्याट्स म्यान ज्ञानेन्द्र यसअघि नेपाली टोलीको उपकप्तान रहेका थिए ।
क्यानका सचिव अशोक नाथ प्याकुरेलले अर्को निर्णय नहुँदासम्म ज्ञानेन्द्रलाई कप्तानीको जिम्मेवारी दिएको बताए । कप्तान पारसको राजीनामापछि अर्को निर्णय नहुँदासम्म ज्ञानेन्द्रलाई कप्तानीको जिम्मेवारी दिइएको हो ।
मेरिलेबोन क्रिकेट क्लब ९एमसीसी० सँगको सिरिजमा नेपाल ज्ञानेन्द्रको कप्तानीमा मैदान उत्रने छ । पारसले गत असोज २८ गते सामाजिक संजालबाट कप्तानी छाडेको घोषणा गरेका थिए ।
तर, उनले आइतबार मात्र क्यानलाई औपचारिक रुपमा राजीनामा पत्र बुझाएका हुन् । यसअघि ज्ञानेन्द्रले पारसको अनुपस्थितिमा पनि कप्तानी सम्हाल्दै आएका थिए ।
