चापाकोट,६ कात्तिक ।
चापाकोट नगरपालिका वाड नं ८ माडीमा सन्चालित फूटवल प्रतियोगितामा नगर प्रमुख शिव कुमार गिरीले खेलकुदको माध्यमवाट सभ्य र सुसंस्कृत समाजको निर्माण गर्न सकिने वताएका छन् ।
समाजमा अनुशासन, समाजिक सद्भाव कायम राखि यूवाहरुलाई कुलतवाट जोगाई खेलकुद तथा विकास निर्माणमा लगाउन सकिने धारणा राखेका छन् । चापाकोटको बिकासका लागि सबै अनुसासित भएर लाग्नु पर्ने बताउदै नगर प्रमुख गिरीले खेलकुदको माध्यमवाट चापाकोट नगरपालिकालाई परिचित वनाउन यहाँका यूवाहरु अनुशासित भएर खेल्न आग्रह गरेका छन् ।
कार्यक्रममा नगर सल्लाहाकर ज्ञानेश्वर बस्ताकोटी, वडा नम्बर ८ का अध्यक्ष नबराज श्रेष्ठ लगायतले खेलकुदको क्षेत्र पनि नगरपालिकाको विकासको मेरुदण्ड भएकाले संरक्षण र सम्वर्दन गर्नुपर्ने वताएका थिए । क्लबका अध्यक्ष बलराम माझीको अध्यक्षतामा कार्यक्रम सम्पन्न भएको थियो ।
