स्याङजा, २ कात्तिक ।
गृह मन्त्रालयले पाँच जिल्लाका प्रमुख जिल्ला अधिकारीको सरुवा गरेको छ। सरुवा हुने मध्ये गण्डकी प्रदेशका एक प्रमुख जिल्ला अधिकारी पनि परेका छन् ।
स्याङ्जाका प्रमुख जिल्ला अधिकारी कोशहरि निरौलालाई गुल्मीमा सरुवा गरिएको हो। उनको ठाउँमा राम बहादुर कुरुम्वाङ आएका छन् । उनलाई बर्दियाबाट स्याङ्जा सरुवा गरिएको हो।
यसैबीच गुल्मीमा कार्यरत यदुनाथ पौडेललाई दार्चुला पठाइएको छ। दार्चुलामा कार्यरत शंकर बहादुर विष्टलाई इलाका प्रशासन कार्यालय चन्द्रौटा (कपिलवस्तु) मा पठाइएको छ। चन्द्रौटामा कार्यरत प्रेमलाल लामिछानेलाई वर्दियाको प्रमुख जिल्ला अधिकारी बनाइएको छ।
