स्याङजा २३ असोज
स्याङजा सहयोग समाज अन्र्तराष्ट्रिय समन्वय समितिको तेस्रो विश्व सम्मेलन तथा अधिवेशन आगामी असोज २५ गते शनिवार भिरकोट नगरपालिका स्थित बयरघारी बजारमा हुने भएको छ । समाजले बिहीवार आयोजित पत्रकार सम्मेलन मार्फत सम्मेलनकोे सम्पूर्ण तयारी पुरा भएको जानकारी गराईएको हो ।
पत्रकार सम्मेलनमा बोल्दै समाजका संस्थापक अध्यक्ष राजेश दर्शन अर्यालले सन २००५ मा आफु लगायत केही युवाहरु मिलेर कतारवाट संस्थाको स्थापना गरिएको जनाकारी दिए । समाजले वैदेशिक रोजगारमा पुगेका जो कोही र स्याङजाबासीका लागि बिबिध क्षेत्रमा सहयोग गर्दै आएको जानकारी दिए । स्याङजामा शिक्षा, स्वास्थ्य र राहतका क्षेत्रमा सहयोग गर्दे आएको बताउदै संस्थाको मुख्य लक्ष्य भनेको देश तथा विदेशमा स्याङजा जिल्लाको पहिचान र जिल्लालाई समृद्ध बनाउन सहयोग पुर्याउनु रहेको जानकारी दिए । बिभिन्न स्थानीय तह र संघसंस्थासंग मिलेर समृद्ध स्याङजा निर्माणका लागि समाजले अभियान थालनी गरेको वताउदै उनले, भने ‘रोजगारीको शिलशिलामा विदेश पुगेका जिल्लावासीले जिल्लाको विकासका वारेमा सोच्ने थलो बनेको छ ।’
कार्यक्रममा पत्रकार महासंघका सभापति ओमप्रकाश शर्मा, स्याङजाका संस्थापक अध्यक्ष अनन्तकुमार श्रेष्ठ, कार्यक्रम संयोजक भूपराज बस्याल लगायतले समाजले स्याङजाबासीका लागि उल्लेख्य सहयोग गर्दे आएको स्मरण गराएका थिए ।
समाजका अध्यक्ष चन्द्रबहादुर रोकाहाको अध्यक्षतामा सम्पन्न कार्यक्रममा उपाध्यक्ष शालिकराम डुम्रेले स्वागत एवं महासचिव ख्यामनारायण काफ्लेले संचालन गरेका थिए ।
सम्मेलनमा बिभिन्न १९ देशवाट १०÷१० जनाका दरले प्रतिनिधि सहभागि हुने अध्यक्ष रोकाहाले जानकारी दिए । साथै, अन्र्तराष्ट्रिय समन्वय समितिका वर्तमान कार्यसमितिमा पदाधिकारी, सदस्य प्रतिनिधीहरु, समन्वय समितिद्धारा मनोनीत २० प्रतिनिधी लगायत पर्यवेक्षकहरु सहभागि हुने भएका छन । सम्मेलनमा बैदेशिक रोजगारीमा रहेका स्याङजाबासीको सांगठनिक संयन्त्रमा कतार, युयई, साउदी अरेविया, मलेसिया, ओमान, वहराइन, जापान, स्पेन, बेल्जियम, नेदरल्याण्ड, पोर्चुगल, हल्याण्ड, अमेरिका, युके, हङकङ, जर्मनी लगायतका देशबाट प्रतिनिधि सहभागी हुने पत्रकार सम्मेलनमा जानकारी दिइयो ।
संघीय सरकारका भूमि ब्यवस्था, सहकारी तथा गरिवी निवारण मन्त्री पदमा अर्यालले उदघाटन गर्ने उक्त सम्मेलनमा संघिय, प्रादेशिक सांसद एवं जिल्लाका ११ वटै स्थानीय तहका प्रमुखहरुलाई बिशेष आमन्त्रण गरिएको समाजका अध्यक्ष चन्द्रबहादुर रोकाहाले जानकारी दिए ।
असोज २५ गते शनिवार बिहान ११ बजे भीरकोट स्थित साम्राट हलमा आयोजना गरिएको सम्मेलन तथा अधिवेशनले आगामी दुई वर्षका लागि नयाँ नेतृत्व समेत चयन गर्नेछ ।
